Ұлттық ұлан Бас қолбасшысының орынбасары генерал-майор Қайрат Үмбетовтың төрағалығымен Бас қолбасшылық пен өңірлік қолбасшылықтардағы ардагерлер кеңесінің төрағаларымен кездесу өтті, деп хабарлайды DKnews.kz.
Кездесуге сондай-ақ бейнебайланыс арқылы Ұлттық ұлан ардагерлер кеңесінің төрағасы генерал-майор Қалиақпар Тоқушев және құқықтық тәртіп әскерлері ардагерлер кеңесінің өкілдері қатысты.
Кездесу әскерге шақырылғанға дейінгі жастарды әскери-патриоттық тұрғыда тәрбиелеуде өзара іс-қимыл жасау, азаматтарды мерзімді әскери қызметке шақыру, әскери оқу орындарына кандидаттарды іріктеу мәселелері қозғалды. Сондай-ақ, ардагерлер кеңесі төрағасының атқарылған жұмыс қорытындысы бойынша баяндамасы тыңдалды.
Генерал-майор Қайрат Үмбетов ардагерлерге жастарға әскери-патриоттық тәрбие беру ісіне қатысқаны үшін алғыс айтып, ұрпақтар сабақтастығын сақтаудың маңызды тұстарын атап өтті.
- Ұлттық ұлан ардагерлер кеңесі Ішкі істер органдарының ардагерлер ұйымында көп жылдық тарихы мен көптеген пайдалы істері бар маңызды рөл атқарады. Ардагерлер әр әскери қызметшіге жеке көзқарас таныта отырып, тәжірибесін бөліседі, сарбаздарды, сержанттар мен жас офицерлерді қазақстандық патриотизм рухында тәрбиелейді. Олар барлық санаттағы жеке құраммен түрлі іс-шараларға үлкен ынтамен қатысады. Бұған әскерлер мен бөлімдердің атаулы күндеріне, әскерге шақырылғандардың ант қабылдау рәсіміне, бөлімдер мен ашық есіктердің құрылған күндеріне, сондай–ақ жауынгерлік қызмет пен оқу шеберлерін құрметтеу кештеріне арналған мерекелік іс-шаралар мен акциялар өткізу кіреді, - деп атап өтті ардагерлер ұйымдарының маңыздылығын генерал-майор Қайрат Үмбетов.
Ардагерлер әскерді жауынгерлік даярлауға жаңа заманауи тәсілдерді енгізу тұрғысынан армияда болып жатқан өзгерістерге көңілдері толатынын жеткізді. Бұдан бөлек әскерге шақыру тәртібін жақсарту және жеке құрамды Қазақстан халқына адалдық рухында тәрбиелеу жөніндегі ұсыныстарын ортаға салды.
Осыдан кейін, алқалы шешіммен дауыс беру қорытындысы бойынша кеңес мүшелері генерал-майор Қалиақпара Тоқушевті ҚР ІІМ Ұлттық ұланының ардагерлер кеңесі лауазымына қайта сайлады.
- Сеніміңіз үшін көп рахмет! Маған және ҚР Ұлттық ұланы ардагерлерінің Кеңесіне жүктелген міндеттерді абыроймен орындауға тырысамын. Бұл жай ғана жоғары ұстаным емес, өз өмірін Отанға қызмет етуге және оның мүдделерін қорғауға арнағандардың айтарлықтай сенімі. Мен көрсеткен сенім мен қолдауды қатты бағалаймын.
Сіз бен біз ұрпақтан-ұрпаққа берілетін баға жетпес білім мен тәжірибенің сақтаушыларымыз. Біздің жұмысымыз ұрпақтар арасындағы байланысты сақтауға, Отан қорғаушыларды қазақстандық патриотизм рухында тәрбиелеуге, барлық әскери қызметшілер мен құқық тәртіп әскерлерінің ардагерлерін қолдауға бағытталады, – деді Қалиақпар Жұбанышұлы.
Айта кетейік, Ұлттық ұланда 4000-нан астам ардагер бар. 41 ардагерлер ұйымы есепте тұр. Оның ішінде 7 тыл еңбеккері, Ауғанстан жауынгер-интернационалистері және тәжік-ауған шекарасында қызмет еткен, сондай – ақ «чернобыльдықтар» статусына ие 125 және мүгедек 61 адам бар.
Сонымен қатар 203 ардагер «Қазақстан» және «Арман» санаторийлерінде ем алуға жіберілді. Кейінгі 15 жылда «Құрмет» орденімен 3 ардагер, «Еңбек ардагері» медалімен 2 адам және «ҚР ІІМ құрметті ардагері» белгісімен 200-ден астам ардагер марапатталған.
