«Шығыс» өңірлік қолбасшылығының механикаландырылған бригадасының жас сарбаздары алғаш рет ату жаттығуларын орындады. Тәжірибелік атыс дайындығы бойынша сабақтар атыс тирында өткізілді, деп хабарлайды DKnews.kz.
Атыс жаттығуы орындалар алдында әдеттегідей әр жауынгерге сержанттар нұсқаулық өткізді. Бұл өз кезегінде жас сарбаздар үшін ату мен дәл көздеуде өте пайдалы. Атап айтқанда сарбаздар қару-жарақпен алғашқы атыс жаттығуын сапалы орындау үшін оқу нүктелерінен өтті. Айталық «КЯ-83» станогы атыс қаруынан оқты жұмсамай атуға үйретсе, атуға дайындау бойынша 1 және 2 нормативтер мен АК-74 қаруын шашып-жинау сапалы атуға септігін тигізбек.
Нұсқаулықтан өткен әр сарбаз тәжірибелік атыстарын орындады. Жас сарбаздар үшін автоматтан ату бірінші рет болса да олардың дені жақсы нәтижелерге қол жеткізді.
