Қазақстан Республикасының Қаржы нарығын реттеу және дамыту агенттігі жанындағы Қаржылық сауаттылық жөніндегі сараптамалық кеңестің бірінші отырысы өтті, деп хабарлайды DKnews.kz.
Сараптамалық кеңестің басты міндеті – халықтың білімі мен дағдыларын жақсартуға бағытталған елдегі қаржылық сауаттылықты дамытудың стратегиялық бағыттарын әзірлеу және қаржылық сауаттылықты арттыру жөніндегі іс-шаралар мен материалдарға сараптамалық бағалауды қалыптастыру.
Сараптамалық кеңеске қаржы ұйымдарының, қоғамдық бірлестіктердің өкілдері, кәсіби экономистер мен қаржыгерлер, бұқаралық ақпарат құралдарының басшылары мен өкілдері, блогерлер мен пікір көшбасшылары кірді.
Отырыс барысында Fingramota.kz жобасының өкілдері әлеуметтік зерттеу нәтижелері бойынша қаржылық сауаттылық деңгейі, негізгі үрдістер мен проблемалық мәселелер туралы айтып берді.
Сараптамалық кеңеске қатысушылар ақпараттық және білім беру жұмысын күшейту бойынша ұсыныстар, сондай-ақ жаңа құжат – Қаржылық сауаттылықты арттыру жөніндегі 2025-2028 жылдарға арналған жол картасына түзетулер енгізді.
Cарапшылар ең қолайлы әрі бейімделген білім беру және ақпараттық өнімдерді дайындау үшін халықты нақты аудиторияға бөлу қажеттілігін атап өтті.
Сондай-ақ, кросс-платформалық коммуникациялар және халықты ақпараттық материалдармен, әсіресе Қазақстан өңірлерін қамтуды арттыру үшін барлық қатысушылардың жұмысын үйлестіру шешуші мәселелердің бірі болып қала береді.
Бұл ретте Fingramota.kz жобасының өкілдері барлық ұсыныстар ескерілетінін атап өтті.
Отырыс қорытындысы бойынша 2025 жылға арналған іс-шаралар жоспары, сарапшылармен кездесулер өткізу және есептілікті қалыптастыру кезеңі әзірленеді.
