Қостанай облысында тағы 59 адам құтқарылып эвакуацияланды, деп хабарлайды DKnews.kz.
Денисов ауданында Қарабұтақ-Қостанай автожолында техникалық жарамсыз автобустың салдарынан қар құрсауында қалған 59 адам құтқарылды. Құтқарушылар жолаушыларды эвакуациялап, Денисовка ауылына жеткізді. Зардап шеккендерге медициналық көмек қажет болмады.
Жетісу облысында ТЖД қызметкерлері 4 адамды қар құрсауынан құтқарды
Алакөл ауданында, Ушарал-Достық автожолының Токты учаскесінде, ауа райының нашарлауынан 1 жеңіл көлік қар құрсауында қалды.
Құтқарушылар дереу көмекке аттанды. Оқиға орнына жеткен құтқарушылар Трэкол өтімділігі жоғары көлікпен 4 адамды Коктұма ауылына жеткізді. Оларға медициналық көмек қажет болмады.
ТЖД қыстық кезеңде қауіпсіздік ережелерін сақтауды, дауылды ескертулерге назар аударуды және ауа райы нашарлаған жағдайда үйде болуды ескертеді!
