Денсаулық сақтау министрлігінде биылғы жылы кәсіби борышын орындау кезінде көрсеткен қайсарлығы мен батылдығы үшін жедел медициналық жәрдем қызметінің қызметкерлерін марапаттау рәсімі өтті, деп хабарлайды DKnews.kz.
Екі фельдшер «Денсаулық сақтау ісінің үздігі» төсбелгісімен марапатталды, министр төрт фельдшерге адамдардың өмірін құтқару жолындағы қажырлы еңбегі үшін Құрмет грамоталарын табыс етті.
Барлық алты фельдшер төтенше жағдайларда, өрт, су тасқыны, ауыр ЖКО кезінде медициналық көмек көрсеткені үшін Қазақстан Республикасы жедел медициналық жәрдем қауымдастығының «Үздік қызметкер» төсбелгісімен марапатталды.
«Жедел медициналық жәрдем бүгінде мемлекеттік міндетті медициналық көмек (ТМККК) шеңберінде көрсетіледі. Сіздердің жұмыстарыңыз азаматтар үшін әлі де тегін және тәулік бойы, аптасына жеті күн қолжетімді»,-деп атап өтті Денсаулық сақтау министрі Ақмарал Әлназарова өзінің құттықтау сөзінде.
Ағымдағы жылдың 11 айында Қазақстандағы жедел медициналық жәрдем (ЖМЖ) бригадалары 7, 7 млн.астам шақыртуға қызмет көрсетті, оның ішінде 1-3-санаттағы 4,9 млн. шақырту және 4-санаттағы 2,8 млн. шақыртуға емханалардың жанындағы бригадалар қызмет көрсетті.
Өткен жылмен салыстырғанда шақыртулар санының артуына қарамастан, сәтті реанимацияның негізгі көрсеткіші 7,1%-ға артып, барлық жағдайлардың 51,7%-на жетті.
«Келесі жылы 336 бірлік жаңа санитариялық автокөлік сатып алу жоспарлануда, бұл медициналық көмектің қолжетімділігі мен сапасын жақсартуға, сондай-ақ бригадалардың келу уақытын қысқартуға мүмкіндік береді. Сондай-ақ, күн тәртібінде құқық қорғау органдарындағы сияқты қызметкерлерімізді бейнежетондармен жарақтандыру мәселесі тұр. Бұл шара біздің фельдшерлеріміздің қауіпсіздігін едәуір арттырады», - деп жалғастырды ведомство басшысы.
Марапаттау рәсімі барысында шұғыл қызметтердің медицина қызметкерлері төтенше жағдайлар кезінде ТЖМ қызметкерлерімен қатар, зардап шеккендерге медициналық көмек көрсетіп, эвакуациялай отырып, өз міндеттерін орындауына тура келетіндігі атап өтілді. Ауа-райына және жолдың қиын жағдайларына қарамастан, олар адамдардың өмірін сақтап қалу үшін миллиондаған шақыртуға қызмет кеөрсетеді.
«Сіздер күнде батылдық пен қайсарлықты көрсетесіздер, қиындықтарға төтеп беріп, кәсіби міндеттеріңізге адалдық танытасыздар. Сіздер барлық ауыртпалыққа қарамастан адамдарды қиындықта қалдырмайтын нағыз батырсыздар. Осыған байланысты, Сіздердің еңбектеріңіз үшін шын жүректен алғысымды білдіремін. Сіздер біздің денсаулық сақтау жүйесінің маңызды бөлігісіздер және сіздердің жұмыстарыңыз әрбір адам үшін баға жетпес», - деп түйіндеді министр.
«Денсаулық сақтау ісінің үздігі» төсбелгісімен (Денсаулық сақтау министрлігі) және «Үздік қызметкер» төсбелгісімен ( ҚР Жедел медициналық жәрдем қауымдастығы) екі фельдшер марапатталды:
ірі дала өрті кезінде медициналық көмек көрсетудегі еңбегі үшін Қарағанды облысы Егіндібұлақ ауылының Қарқаралы ауданы кіші станциясының көшпелі фельдшері Болкенова Гүлназ Боранбайқызы;
Қостанай облыстық жедел медициналық жәрдем станциясының Қамысты бөлімшесі көшпелі бригадасының фельдшері Сергей Васильевич Волков, жол бойындағы мұзды суға сүңгіп, ер адамды жол-көлік оқиғасынан кейін кардиостимуляторы бар пациентті құтқарды.
Денсаулық сақтау министрлігінің «Құрмет» құрмет грамотасымен және «Үздік қызметкер»төсбелгісімен ( ҚР Жедел медициналық жәрдем қауымдастығы) келесі медицина қызметкерлері марапатталды:
Мадина Нұрлыбекқызы Ахметжанова, Қостанай облыстық жедел медициналық жәрдем станциясындағы көшпелі бригаданың фельдшері, Арқалық қаласындағы кіші станция, Боранда босанған әйелді құтқарғаны үшін;
Қарағанды облысы Егіндібұлақ ауылының Қарқаралы ауданының көшпелі фельдшері Ақзия Әбдімұхтарқызы Мушкенова Қарқаралы ауданындағы орман өрті аумағында тұрғындарды құтқаруда батылдық көрсетті;
Ермек Қадырбайұлы Айменов, «Облыстық жедел және шұғыл медициналық жәрдем посты» ШЖҚ МКК жедел және шұғыл медициналық көмек фельдшері (Ақтөбе облысы), су тасқыны жағдайында адамдарға медициналық көмек көрсеткені үшін;
Қостанай облыстық жедел кезек күттірмейтін медициналық жәрдем станциясының көшпелі бригадасының фельдшері Анель Қайратқызы Баймұрзина кәсіби борышын орындау кезінде науқастың туыстарының шабуылына ұшырады, қазіргі уақытта стационарда емделуде.
