2024 жылғы 1 желтоқсандағы жағдай бойынша Қазақстан Республикасының сақтандыру секторында 25 сақтандыру ұйымы бар, оның 10-ы – өмірді сақтандыру бойынша, деп хабарлайды DKnews.kz.
2024 жылғы қарашаның қорытындысы бойынша сақтандыру (қайта сақтандыру) ұйымдарының активтері негізінен сақтандыру қызметі бойынша кірістің өсуі, шетел валютасын қайта бағалау нәтижесінде 3,9%-ға 3,0 трлн теңгеге дейін ұлғайды (2024 жылдың басынан бері 20,8%-ға өсу).
2024 жылғы 1 желтоқсандағы жағдай бойынша активтер құрылымында ең көп үлес бағалы қағаздарға – 75,8% (2,3 трлн теңге), екінші деңгейдегі банктердегі ақшалай қаражат пен салымдарға – 5,9% (178 млрд теңге), сақтандыру дебиторлық берешекке – 3,7% (110 млрд теңге) тиесілі.
Сақтандыру (қайта сақтандыру) ұйымдарының міндеттемелері сақтандыру резервтерінің өсуі нәтижесінде 2024 жылғы қарашада 4,7%-ға 2,1 трлн теңгеге дейін ұлғайды (2024 жылдың басынан бері 30,7%-ға өсу).
Сақтандыру (қайта сақтандыру) ұйымдарының меншікті капиталы негізінен сақтандыру қызметінен алынған пайда есебінен 2024 жылғы қарашада 2,1%-ға 933 млрд теңгеге дейін ұлғайды (2024 жылдың басынан бері 3,2%-ға өсу).
2024 жылғы қарашада сақтандыру нарығы бойынша таза пайда сақтандыру және инвестициялық қызметтен алынған кірістер есебінен 28,8 млрд теңге болды (2024 жылдың басынан бері – 206,0 млрд теңге).
2024 жылғы қарашада жеке және заңды тұлғалар бойынша жасалған сақтандыру шарттарының саны 2 260 мың шартты құрады, бұл 2024 жылдың алдыңғы айымен салыстырғанда 7,9%-ға көп. 2024 жылдың басынан бері жеке және заңды тұлғалар бойынша жасалған сақтандыру шарттарының саны 21,2 млн шартты құрады, бұл 2023 жылдың ұқсас кезеңімен салыстырғанда 37,7%-ға артық. Негізгі өсім жазатайым оқиғалардан сақтандыру (5,3 млн шарт, 165,1%-ға өсу) және ауырған жағдайда сақтандыру (290,7 мың шарт, 51,3%-ға өсу) бойынша шарттарға тиесілі.
2024 жылғы қарашада сақтандыру (қайта сақтандыру) шарттары бойынша қабылданған сақтандыру сыйлықақылары 127,3 млрд теңгені құрады. 2024 жылдың басынан бері сақтандыру сыйлықақылары 1,3 трлн теңгені құрады, бұл 2023 жылдың осыған ұқсас кезеңімен салыстырғанда 52,7%-ға көп.
Сақтандыру сыйлықақыларының өсуінің негізгі драйвері ерікті жеке сақтандыру сыныбы болып табылады, ол бойынша сақтандыру сыйлықақыларының көлемі 2024 жылдың 11 айында 701,3 млрд теңгені құрады, бұл өткен жылдың осыған ұқсас кезеңімен салыстырғанда 123,4%-ға көп, негізінен, жазатайым оқиғалардан сақтандыру бойынша сыйлықақылардың 130,5%-ға және зейнетақы аннуитеттік сақтандыру бойынша сыйлықақылардың 3,4 есе ұлғаюына байланысты.
Ерікті мүліктік сақтандыру бойынша сақтандыру сыйлықақылары ағымдағы жылдың басынан бері 413,3 млрд теңгені құрады, бұл өткен жылдың осыған ұқсас кезеңімен салыстырғанда 6,3%-ға көп, өсу, негізінен, мүлікті залалдан сақтандыру бойынша жиналған сыйлықақылар сомасының ұлғаюына байланысты (19,2%).
Міндетті сақтандыру бойынша жыл басынан бері 223,5 млрд теңге сомаға сақтандыру сыйлықақылары жиналды, бұл өткен жылдың осыған ұқсас кезеңімен салыстырғанда 29,0%-ға артық. Ұлғаю, негізінен, қызметкерді жазатайым оқиғалардан міндетті сақтандыру бойынша (65,1%) орын алды.
2024 жылғы қарашада сақтандыру төлемдері 34,3 млрд теңгені құрады. 2024 жылдың басынан бері сақтандыру төлемдері 301,1 млрд теңгені құрады, бұл негізінен, қызметкерді жазатайым оқиғалардан міндетті сақтандыру бойынша сақтандыру төлемдерінің 210%-ға ұлғаюына байланысты, өткен жылдың ұқсас кезеңімен салыстырғанда 23,2%-ға көп.
