Балқаш қаласында екінші жыл қатарынан "Ғажайып ертегі әлемі" жаңа жылдық безендіру байқауы өтіп келеді, деп хабарлайды DKnews.kz.
Бұл жолы қала тұрғындарына мерекелік көңіл-күй сыйлап, 80 ұйым өз өнерлерін ортаға салды.
Конкурсты Балқаштың мәдениет, тілдерді дамыту, дене шынықтыру және спорт бөлімі ұйымдастырып, үш бағыт бойынша өтті: шағын және орта бизнес объектілерін, білім беру мекемелерін безендіру, сондай-ақ "Жастар" гүлзарына көлемді жаңа жылдық фигураларды орнату.
"Жастар" гүлзарын үздік жаңа жылдық безендіру" номинациясына 22 ұйымы қатысты.
Екінші жыл қатарынан "Балқаш Жылу" ЖШС Гран-при иегері атанды. Өткен жылы кәсіпорын қызметкерлері Аяз Атаның фигурасын жасады. Бұл жолы жыл символы – Жылан негізге алынды. Жануар жаңа жылдық сағатты орап тұрған кейпінде болды.
– Идея ұжымдық болды. Фигураны жасау үшін шамамен екі апта қажет болды. Байқау жаңа жылдық көңіл-күй сыйлады. Жаңа жылда денсаулық, бақыт және барлық игіліктер тілеймін, – дейді "Балқаш Жылу" ЖШС директоры Мақсат Нұрмағанбетов.
Алтын бұғы композициясы үшін бірінші орын Балқаш тұрғыны Азия Алинаға берілді. Бойжеткен аудармашы болып жұмыс істейді және сонымен бірге өзінің шығармашылық идеяларын қуана жүзеге асырады.
– Мен өз атымнан өтініш беруді шештім. Мен айналамды әдемілеп безендіргенді ұнатамын. Әрине, жалғыз жасау қиын болды. Маған әкем мен ағам көмектесті, – деп бөлісті Азия Алина. – Ұйымдастырушыларға барлық тілек білдірушілер өз қабілеттерін көрсете алатын осындай шығармашылық конкурстар үшін көп рахмет! Еліміздің барлық тұрғындарын келе жатқан Жаңа жылмен құттықтаймын! Сіздерге жаңа жеңістер мен шыңдар, денсаулық, бақыт пен амандық тілеймін.
"Білім беру нысандарын үздік жаңа жылдық безендіру" номинациясында 32 өтінім берілді.
Қазылар алқасы Гран-приді М. Русаков атындағы мектеп-интернатқа тағайындады.
"Шағын және орта бизнес нысандарын үздік жаңа жылдық безендіру" номинациясына 26 өтінім түсті. Гран-приді "Радуга" гүл салонын жеңіп алды.
– Біз жыл сайын сатып алушыларымызды қуанту үшін дүкеннің қасбетін безендіреміз, сонымен бірге конкурсқа қатысуға шешім қабылдадық, – дейді салон иесі Анастасия Агадуллина. – Екі апта безендірдік. Жұбайым мен әпкем рәсімдеуге көмектесті. Байқаудың арқасында көптеген кәсіпкерлер өз дүкендерін мүмкіндігінше әдемі безендіруге мүдделі және бүкіл қаламыз әлдеқайда әдемі және мепекелік болады. Баршаңызды Жаңа жылмен шын жүректен құттықтаймын. Өмірде тек жарқын және жақсы оқиғалар болсын!
Үздік конкурстық жұмыстар үшін ақшалай сертификаттар табысталды.
