Ұлттық ұланның «Батыс» өңірлік қолбасшылығына қарасты әскери бөлімдерде 2025 жылдың қысқы оқу кезеңі басталды, деп хабарлайды DKnews.kz.
Осы күні өңірлік қолбасшылыққа қарасыты барлық әскери бөлімдердің саптық алаңында дәстүрлі түрде митинг өткізіліп, жауынгерлік қызмет барысындағы қауіпсіздік ережелерін сақтау бойынша практикалық сабақтар жүргізілді.
Жаға оқу кезеңінің ашылуына Ұлттық ұлан Бас қолбасшысының орынбасары генерал-майор Бауыржан Абжанов қатысып, жеке құрамды жаңа ақу кезеңімен құттықтады. Өз сөзінде ол жаңа оқу кезеңінің маңыздылығына тоқталып, Ұландықтардың жауынгерлік дайындығын арттыру, кәсіби шеберліктерін жоғарылату және жаңа технологияны пайдалану нақтырақ айтсақ ұшқышсыз ұшу аппараттарын пайдаланып үйрену мәселелеріне тоқталды.
Жаңа оқу кезеңінің алғашқы күнінде ұландықтарға мемлекеттік-құқықтық және жауынгерлік дайындық, қару-жарақ пен әскери техниканы қолдану мен кешенді күтім көрсету, сондай-ақ, алғашқы медициналық көмек көрсету, ату және дене шынықтыру дайындығы және парктік-шаруашылық жұмыстарды жүргізу кезінде қауіпсіздік шараларды сақтау бойынша сабақтар өткізілді.
Айта кетейік бүгін ашылған қысқы жаңа оқу кезеңі ағымдағы жылдың мамыр айына дейін өз жалғасын табатын болады.
