Ақмола облысында 3 адам жол-көлік оқиғасынан кейін құтқарылды, деп хабарлайды DKnews.kz.
Макинск қаласынан 10 км қашықтықта "Макинск-Жалтыр" автожолында жол көлік оқиғасы орын алды.
Оқиға орнына "Макинск" трассалық медициналық-құтқару пунктінің қызметкерлері келді.
Дәрігер-құтқарушылардың жедел және шебер әрекеттерінің арқасында 3 адам құтқарылды, олардың біреуі зақымдалған көліктен алып шығарылды. Бұланды ауданының құтқарушылары зардап шеккендерге алғашқы медициналық көмек көрсетіп, оларды орталық аудандық ауруханаға жеткізді.
