Биыл Нұра ауданында сауықтыру және білім беру лагері салынады. Алғашқы үш жылда жазғы мезгілде онда 300 бала демалатын болады. Ал 2028 жылдан бастап лагерь жыл бойына жұмыс жасайды деп жоспарлануда, деп хабарлайды DKnews.kz.
Аталған лагерь жеке инвестициялар есебінен салынбақшы. Осы орайда астаналық кәсіпкерлер Нұра ауданына келіп, жобаның егжей-тегжейін талқылады. Бүгінде лагерьдің құрылысы жүргізілетін орын таңдалды.
Кәсіпкерлер тұрғын үй корпустарын,медпункт, ас блогын, ойын және спорт алаңдарын, сондай-ақ оқу сыныптарын салуды жоспарлап отыр. Балалар лагерьде қолжетімді бағамен демалатын болады.
