Арина Крюкова- Универсиаданың қола жүлдегері
Қазақстандық биатлоншы Арина Крюкова Италияда өтіп жатқан Қысқы Дүниежүзілік Универсиаданың қола жүлдегері атанды, деп хабарлайды DKnews.kz.
Ол 7,5 км қашықтықты 23 минут 17 секундта бағындырып, үздік үштікті түйіндеді. Арина алғашқы жатып ату кезеңінде барлық нысананы дәл жапса, екінші тұрып ату кезінде 2 оғы мүлт кетті. Әйтсе де, жылдамдық қосып, ел қоржынын қола жүлдемен толықтырды.
