Павлодар қаласының қоғамдық тәртібін қадағалап жүрген 5512 әскери бөлімінің сарбаздары қызметте қырағылық танытты.
Ұлттық ұланның «Шығыс» өңірлік қолбасшылығына қарасты әскери бөлім жасағы Қатаев көшесін патрульдеу кезінде сауда үйінің көлік тұрағынан «Nokia» маркалы телефон тауып алады. Байланыс құрылғысын әскери жасақ қатарындағы мерзімді әскери қызметші қатардағы Еркінбек Нұржол байқайды.
"Сағат түнгі он бірге таяған уақытта қаладағы сауда үйінің маңайын бақылауға алдық. Сол уақытта маған экраны қала шамдарымен шағылысқан телефон көзіме оттай басылды. Қар үстінде ұзақ жатқандықтан болар қуат көзі таусылып қалыпты" қатардағы жауынгер Еркінбек Нұржол
Ұландықтар табылған телефонды «Оңтүстік» полиция бөлімінің қызметкерлеріне табыстайды. Шамалы уақыттан кейін, полиция бөлімшесіне ер адам хабарласқан. Телефон иесіне тәртіп сақшылары жоғалған байланыс құрылғысын Ұлттық ұлан әскери қызметкерлері тауып алғанын айтқаннан кейін, ер-азамат әскери бөлім мекен-жайына қызметте қырағы әрі, адал болғандары үшін алғыс хат жолдапты.
