KazAID Басқарма төрағасы Аркен Арыстанов және Л.Н.Гумилев атындағы ЕҰУ ректоры Ерлан Сыдықов ынтымақтастықты нығайтуға бағытталған меморандумға қол қойды, деп хабарлайды DKnews.kz.
Мақсат - ЕҰУ студенттерін дамуға ресми көмек (ДРК) жобаларын іске асыруға тарту, олардың халықаралық ынтымақтастық және тұрақты даму саласындағы білімдері мен дағдыларын кеңейту, сондай-ақ жастардың негізгі бастамашыл жобаларға қатысуы үшін мүмкіндіктер жасау.
Кездесу аясында тараптар болашақ жоспарларын талқылап, студенттердің білім беру және кәсіби мүмкіндіктерін жақсартуға ықпал ететін бірлескен жобаларды белгіледі.
KazAID білім беру мекемелерімен ынтымақтастықты белсенді дамытуды жалғастыруда. Бүгінгі таңда келесі ұйымдармен меморандумдарға қол қойылды:
- Астана медицина университеті (МУА)
- Мақсұт Нәрікбаев университеттері (MNU)
- Қазақстан-Британ техникалық университеті (ҚБТУ)
- ҚР Президенті жанындағы Мемлекеттік басқару академиясы (АМУ)
- Назарбаев Университеті (NU)
