Мемлекеттік кірістер комитеті 2024 жылдың қорытындысы бойынша акцизделетін тауарларды өндіру, сақтау, тасымалдау, сату және есепке алу саласындағы заңнаманың сақталуын бақылауға бағытталған тексеру іс шараларының нәтижелерін хабарлайды, деп хабарлайды DKnews.kz.
Өткен жылы Мемлекеттік кірістер органдарыөткізілген іс-шаралардың нәтижелері бойынша заңсыз акциздік өнімдер анықталды, соның ішінде:
- Алкоголь өнімдері: 2 462 салық төлеушінің алкоголь өнімдерін сату кезінде әрекеттегі заңнаманы бұзуын тексеру жүргізілді. Тексеру барысында 1 916,6 мың литр алкоголь алынды, бұл 2023 жылмен салыстырғанда 3 есе көп (613,3 мың литр).
Мысалы, Алматы қаласында 151,5 мың. литр алкогольдік өнімдерді лицензиясыз сату анықталды.
- Темекі өнімдері: 116 заңсыз темекі өнімдерін сату фактісі анықталды, оның барысында 16,6 миллион қорап алынды, бұл 2023 жылмен салыстырғанда 17%-ға көп (14,63 миллион қорап).
Мысалы, Батыс Қазақстан облысы бойынша Экономикалық тергеулер департаментімен және Мемлекеттік кірістер органдары бірлескен іс-шаралар барысында 2 015 мың қорап заңсыз темекі анықталды.
- Мұнай өнімдері: құжатсыз (көлденең айналым) мұнай өнімдерін сатудың 480 фактісі анықталды, көлемі 34,5 мың тонна, құны 7,9 миллиард теңге, бұл 2023 жылмен салыстырғанда 15,1%-ға көп (60 мың тонна). Сот шешімімен 591,4 миллион теңге көлеміндегі кіріс тәркіленіп, 25,3 миллион теңге айыппұл салынды.
Мысалы, Алматы қаласында мұнай өнімдері базаларынан тыс (қысқартылған жолмен) жеткізілген 1 857 тонна авиациялық отын сатылғаны анықталды, оның нәтижесінде тәркіленген кіріс 347,9 миллион теңге, айыппұл 738,4 мың теңге болды. Сол сияқты жағдай Қостанай облысында да тіркелді, мұнда 1 189,7 млн. теңге құнындағы 4 427,8 тонна дизель отыны анықталды.
Бұл бағыттағы жұмыс жалғасуда.
