Барселона қаласында өткен Mobile World Congress көрмесінде Қорғаныс министрінің орынбасары Дархан Ахмедиев бастаған делегация әскери мақсаттағы жасанды интеллекттің жаңа технологияларымен және әзірлемелерімен танысты, деп хабарлайды DKnews.kz.
Іс-шара аясында 5G дамытуға, жасанды интеллектті енгізуге, әскери салада кванттық технологияларды қолдануға арналған мастер-класстар мен сарапшылардың баяндамалары ұйымдастырылды.
Бұдан бөлек қазақстандық мамандар қазіргі заманғы халықаралық қақтығыстар контекстінде гибридтік қатерлер мен кибертехнологияларға қарсы тұрарлық инновациялық тәсілдер қарастырылған тақырыптық семинарларға да қатысты.
