Қызылорда облысында автожол уақытша жабылды, деп хабарлайды DKnews.kz.
2025 жылғы 16 наурыз сағат 05:00-да жол жабынындағы ойықтарды жою жұмыстары жүргізілуіне байланысты келесі республикалық автожолда көліктің барлық түрлері қозғалысына шектеу қойылады:
- "РФ шекарасы-Мәртөк-Ақтөбе-Қарабұтақ-Қызылорда-Шымкент-Тараз-Қордай-Алматы-Хоргос-ҚХР шекарасы" автожолының 1362-1474 шақырым аралығындағы учаскеcі (Арал қаласы - Әйтеке би ауылы);
Жолды 2025 жылғы 16 наурыз сағат 16:00-де ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.