2024 жылғы 19 наурызда «Наурызнама» онкүндігінің алтыншы күніне орай Қазақстан Республикасы Ұлттық ұланының Атырау қаласындағы 5546 әскери бөлімінің әскери қызметшілері жаппай көгалдандыру акциясын өткізді, деп хабарлайды DKnews.kz.
Бұл шара тек экологияны жақсартуға қосылған үлес қана емес, сонымен қатар табиғатпен үйлесімді өмір сүруді дәріптейтін Наурыз дәстүріне деген құрметтің белгісі.
«Наурыз – бұл тек көктем мерекесі емес, сондай-ақ игі істер мен болашаққа қамқорлық жасаудың символы. Біз бұл акцияға үлкен ықыласпен қатыстық және отырғызылған көшеттер келешек ұрпаққа игілік әкеледі деп сенеміз», – деді әскери бөлім командирі, полковник Ерлан Ипатов.
Қазақстан Республикасының Ұлттық ұланы табиғатты қорғауға және қоғамдық құндылықтарды нығайтуға үлес қоса отырып, экологиялық бастамаларға тұрақты түрде қатысып келеді.
