2025 жылғы 28 наурызда Қазақстан Республикасының Энергетика вице-министрі Қ. Арымбек бастаған делегация Орал қаласының бірқатар жергілікті мұнай-газ жабдықтарын өндірушілеріне барды: «Батыс Қазақстан машина жасау компаниясы» АҚ (БҚМК), «QazExpoCentre – PIPE» зауыты және «KASPIY MUNAI KAPITAL» ЖШС, деп хабарлайды DKnews.kz.
Делегация құрамына Қарашығанақ жобасының операторы, «Урал Ойл энд Газ» ЖШС, «Жайықмұнай» ЖШС және «Позитив Инвест» ЖШС қоса алғанда, өңірдің мұнай-газ саласының өндіруші компаниялары басшылығының өкілдері кірді.
Зауыттарға бару БҚМК-дан басталды (мұнай мен газды, энергетикалық жабдықты және басқа да машина жасау өнімдерін өндіруге және дайындауға, сондай-ақ тасымалдауға арналған технологиялық жабдықтарды өндіруші), онда қатысушылар өндірістік қуаттылықтармен танысып, тендерлік рәсімдерді жақсарту мәселелерін талқылады.
Әрі қарай құбыр өнімдерін шығаруға маманданған «QazExpoCentre-PIPE» зауытына барды. Сапар барысында өнім шығару кезінде зауыттармен синергия мүмкіндігі, сондай-ақ ассортиментті кеңейту перспективалары мәселелері талқыланды.
Қорытындылай келе, «KASPIY MUNAI KAPITAL» ЖШС-де болып, Мұнай-газ жабдықтарын өндірудің технологиялық процестерімен және кәсіпорынның мүмкіндіктерімен танысты.
Кәсіпорын басшылығымен кездесулер барысында зауыттардың ағымдағы қызметі, өндірістік әлеуеті және Индустриялық даму перспективалары мәселелері талқыланды.
Осы жұмыс сапарының қорытындысы бойынша Қ. Арымбек өнеркәсіптік кәсіпорындар мен елдің мұнай-газ секторы арасындағы ынтымақтастықты нығайтудың маңыздылығын атап өтті, сондай-ақ саланы одан әрі дамыту бағыттарын белгіледі.
