Сенаттың Конституциялық заңнама, сот жүйесі және құқық қорғау органдары комитетінің кеңейтілген отырысында «Қазақстан Республикасы мен Кипр Республикасы арасындағы сотталған адамдарды беру туралы келісімді ратификациялау туралы» заң қаралды. Бұл құжат екі ел арасындағы құқықтық ынтымақтастықты нығайтуға және сотталған азаматтардың өз елінде жазасын өтеуіне жағдай жасауға бағытталған, деп хабарлайды DKnews.kz.
Суретті түсірген: А.Байжұманов
Суретті түсірген: А.Байжұманов
Келісімге сәйкес, тараптар өз азаматтарын беру жөнінде міндеттемелер қабылдайды. Бұл үшін сотталған адамның ерікті келісімі, тараптар бірінің азаматтығының болуы және жасалған әрекет екі елдің заңнамасы бойынша қылмыс деп танылуы сияқты бірқатар негізгі шарттардың орындалуы қажет.
Суретті түсірген: А.Байжұманов
Келісімді ратификациялау қылмысқа қарсы күресті күшейтуге және халықаралық ынтымақтастықты нығайтуға бағытталған. Заң талқыланғаннан кейін, комитет мүшелері оны алдағы Палата отырысына сенаторлардың қарауына жіберу туралы шешім қабылдады.
