2024 жылғы 4 сәуірде ҚР Ұлттық ұланы «Батыс» өңірлік қолбасшылығының 5517 әскери бөлімінде діни экстремизм мен терроризмге қарсы іс-қимыл мәселелері бойынша кездесу өтті, деп хабарлайды DKnews.kz.
БҚО «Дін мәселелерін зерттеу орталығының» басшысы Мейрамбек Қабдоллин әскери қызметшілерге діни сауаттылықтың маңызы, зайырлы құндылықтарды сақтау және деструктивті идеологияға қарсы иммунитет қалыптастыру туралы айтты. Кездесуде діни экстремизмнің әскери ортаға ықпалы, жалған діни идеологиялардың таралуы және оған қарсы күрес жолдары талқыланды.
Мұндай іс-шаралар әскери қызметшілердің рухани тұрақтылығын нығайтуға бағытталған. Кездесу соңында қатысушылар сұрақтарын қойып, пайдалы ақпарат алғаны үшін алғыстарын білдірді.
