Ұландықтар Өскеменде тәжік-ауған қақтығысы ардагерлерімен кездесті

3113
Фотосурет: «Шығыс» өңірлік қолбасшылығының баспасөз қызметі

Аталмыш шара  аясында 7 сəуір күні «Шығыс» өңірлік қолбасшылығына қарасты 6699 əскери бөлімі 1995 жылдың 7-ші сəуірінде тəжік-ауған шекарасын қорғауда қаза болған 17 ержүрек жауынгердің ерлігіне құрмет көрсетті, деп хабарлайды DKnews.kz.

Өскемен қаласындағы  Мұхамет  Шаяхметов атындағы  №23 орта мектепте тәжік-ауған шекарасында жауынгерлік міндет атқарған ардагерлердің  және де Ұлттық ұланның 6699 әскери бөлімінің  тәрбие және әлеуметтік-құқықтық жұмыстар бөлімшесінің аға көмекшісі майор Нұрбек Жукубаевпен қатысуымен «Ерлік сабағы» өтті.

Шара басында мектептің акт залына жиналған  «Жас бүркіт» сыныбының тәрбиеленушілеріне және 10-11 сынып оқушыларына 17 боздақтың ерлігін баяндайтын деректі  фильм көрсетілді. Тәжік-ауған  шекарасында жауынгерлік міндет атқарған ардагер-бітімгерлер Даулет Серікқазыұлы, Бекжан Жалелұлы және Нұрболат Төлегенұлы естеліктерімен бөлісіп, қарулас достарын еске алды. Соның  ішінде тәжік-ауған қақтығысының сонымен қатар Ұлттық ұлан ардагері Даулет Серікқазыұлы қанды оқиғаның куәгері болып, ерлікпен шайқасқан.

Мектеп директоры  Нүргүл Мампасқызы Ұлттық ұландағы ерлік күнінің мән-маңызына, еліміздің жас патриоттарының  өміріне ықпал етер әсері жайлы қысқаша әңгімеледі. Әскери  бөлім басшылығы жас ұрпақты отансүйгіштік рухта тәрбиелейтін аталмыш шараның өтуіне қолдау көрсеткен Мұхамет  Шаяхметов атындағы мектеп ұжымына алғыс білдірді. Шара мұнымен соңына жетпеді. Сондай-ақ, 6699 әскери бөлімінде Пшихавр шатқалында ерлікпен қаза тапқан 17 жауынгердің құрметіне арналған іс-шара ұйымдастырылды. Жиналған қауым жауынгерлерді бір минут үнсіздікпен еске алып, олардың рухтарына тағзым етті. Шараға тәжік-ауған шекарасындағы жауынгерлік іс-қимылдарға қатысушылар  әскери бөлім сарбаздарына бітімгершілер ерлігін баяндап, қоян қолтық ұрысының тәсілдерімен бөлісті. Шара соңында ардегерлер бөлім командирінің грамотасымен марапатталды.

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -