Ақтау – Түркі әлемінің мәдени астанасы!
2025 жылы Ақтауға «Түркі әлемінің мәдени астанасы» мәртебесі беріліп, осы аясда өткен салтанатты ашылу рәсімі Каспий теңізінің жағалауында жоғары деңгейде ұйымдастырылды, деп хабарлайды DKnews.kz.
Ауқымды шараға 100 мыңнан астам көрермен жиналды. Бастапқыда дрон операторлары мерекеге шамамен 50 мың адам қатысқанын анықтаған болатын. Алайда кейінірек бұл көрсеткіш 100 мыңға жеткені белгілі болды.
Мерекелік бағдарлама барысында түркі әлемінің ортақ мәдени мұрасын насихаттайтын вокалдық және хореографиялық ұжымдар өнер көрсетті.
Сахна төрінде Қазақстан және ТҮРКСОЙ ұйымына мүше елдердің жұлдыздары жарқырай көрінді: Димаш Құдайберген, Kalifarniya (Қазақстан), Мейірбек Атабеков (Қырғызстан), Роза Зәргерлі (Әзербайжан), сондай-ақ «Ялла» тобы (Өзбекстан).
