Ұлы Жеңістің 80 жылдық мерейтойы мен Ақтөбе қаласының күніне арналған мерекелік шаралар аясында ұлттық спорттың шоқтығы биік түрі — бәйге жарысы ұйымдастырылды, деп хабарлайды DKnews.kz.
Ақтөбе қаласында бұл жарыс соңғы төрт жылда алғаш рет өткізіліп отыр.
Дүбірлі жарысқа Батыс Қазақстан, Атырау, Жамбыл, Маңғыстау, Қостанай облыстарынан келген сәйгүліктер қосылып, барлығы 94 ат шапты.
Сәйгүліктердің кең далада құйғыта шауып, шеберлік пен төзімділік танытуы — ата-бабадан қалған асыл мұраны ұлықтаудың жарқын көрінісіне айналды.
Бұл жарыс тек спорттық бәсеке ғана емес, халқымыздың рухы мен дәстүрін дәріптейтін тағылымды шара болды.
