Астана қаласы бойынша Мемлекеттік кірістер департаменті қызметін қоғамдық мүдделерде жүзеге асыратын және заңнамада белгіленген шарттарды сақтайтын коммерциялық емес ұйымдардың (КЕҰ) салық жеңілдіктерін қолдануға құқығы бар екенін хабарлайды. Негізгі ережелер мен талаптарды толығырақ қарастырайық, деп хабарлайды DKnews.kz.
Салық жеңілдіктерін кім пайдалана алады?
Акционерлік қоғамдарды, мекемелерді және тұтыну кооперативтерін (көппәтерлі үйлердің мүлкін меншік иелері бірлестіктерінен басқа) қоспағанда, белгіленген тәртіппен тіркелген КЕҰ-ға салықтық преференциялар беріледі.
Жеңілдіктерді қолданудың негізгі шарттары:
- пайда табу мақсатының болмауы;
- алынған табыс пен мүлікті қатысушылар арасында бөлу емес.
Шарттар сақталған кезде жылдық жиынтық кірістен алынып тасталатын кірістер:
- мемлекеттік әлеуметтік тапсырыс бойынша табыстар;
- депозиттер бойынша сыйақылар;
- кіру және мүшелік жарналар;
- көппәтерлі тұрғын үй пәтерлері, тұрғын емес үй-жайлары меншік иелерінің жарналары;
- қайырымдылық, демеушілік көмек, гранттар және басқа да қайтарымсыз алынған мүлік;
- депозиттердегі қаражаттың курстық айырмашылықтарынан туындаған оң айырма.
Осы талаптар сақталмаған жағдайда салық жеңілдіктері қолданылмайды және ұйымның табыстарына жалпыға бірдей белгіленген тәртіппен салық салынады. Шығыстар пропорционалды немесе бөлек есепке алу негізінде есепке алынады.
Маңызды: бұл ережелер автономды білім беру ұйымдарына және әлеуметтік салада қызмет көрсететін коммерциялық емес ұйымдарға қолданылмайды.
