10 тамыз күні Алматының Орталық стадионында, әлемдік деңгейдегі супержұлдыз Дженнифер Лопестің концерті өтеді. Бұл оқиға халықаралық деңгейде үлкен резонанс тудырып үлгерді — билет сатып алған көрермендер 29 елден, оның ішінде Ресей, Қырғызстан, Өзбекстан, Тәжікстан, АҚШ, Ұлыбритания, Германия, БАӘ, Сауд Арабиясы, Швейцария, Қытай, Түркия, Мексика және басқа да мемлекеттерден, деп хабарлайды DKnews.kz.
Суретті түсірген: Kazakhstan press club
Концерт тек мәдени тұрғыда ғана емес, экономикалық тұрғыда да маңызды оқиғаға айналды. Ұйымдастырушылардың мәліметінше, сатылған билеттердің 30%-ын шетелдік азаматтар құрады. Бұл Алматыда ауқымды туристік ағым болатынын көрсетеді.
Алматы қаласының Туризм басқармасының ішкі зерттеуіне сәйкес, шетелдік туристер қалада орта есеппен 3-тен 5 күнге дейін уақыт өткізіп, жалпы алғанда 1500 АҚШ долларына дейін қаражат жұмсайды. Бұл қонақжайлылық саласындағы шағын және орта бизнеске елеулі қаржылық қолдау болмақ.
Суретті түсірген: Kazakhstan press club
Болжам бойынша, шетелдік қонақтардың HoReCa (қонақ үй, мейрамхана, қоғамдық тамақтану) жүйесіне қосар үлесі шамамен 5 миллиард теңгені құрауы мүмкін. Бұл шығындарға қонақ үйлер, мейрамханалар, көлік, экскурсиялар, сауда және басқа да қызмет түрлері кіреді. Концертке келетін туристер қаланың негізгі салаларында экономикалық белсенділікті арттырады.
Суретті түсірген: Kazakhstan press club
Алматыда халықаралық концерт өткізу — қаланың Орталық Азиядағы жаңа мәдени және туристік орталық ретіндегі мәртебесін нығайтады. Сонымен қатар, бұл қалаға әлемдік деңгейдегі әртістердің, инвесторлар мен ірі іс-шара ұйымдастырушыларының назарын аудартып отыр. Бұл — Қазақстанның жаһандық креативті экономикадағы орнын бекіту жолындағы маңызды қадам.
Суретті түсірген: Kazakhstan press club
Айта кету керек, концертке билеттер әлі де сатылымда және шетелдік көрермендердің саны артып келеді. Бұл өз кезегінде күтілетін экономикалық әсерді одан әрі күшейтеді.
Билеттерді ресми сайттан сатып алуға болады: www.ticketon.kz
