21 маусымда Алматыда NEW VISION 2025 форумының таныстырылымы өтті. Форум 9–11 қазан аралығында өтеді және биылғы жылдың ең ірі бизнес оқиғаларының біріне айналмақ. Ұйымдастырушылар 10 000-нан астам қатысушыны — кәсіпкерлерді, инвесторларды, бизнес-клубтар мен халықаралық компаниялардың өкілдерін жинауды жоспарлап отыр, деп хабарлайды DKnews.kz.
Бұл таныстырылым жай ғана іс-шараның анонсы емес, New Vision атты жаңа кәсіпкерлер клубының алғашқы кездесуі болды. Мұнда іскерлік тәжірибе алмасу мен еркін форматтағы кездесулер енді тұрақты түрде ұйымдастырылмақ.
Спикерлер қатарында Қанат Көпбаев — New Vision кеңесінің төрағасы, Kusto Group компаниясының басқарушы директоры, YPO Kazakhstan мүшесі, Ларион Лян — IC-Group компаниясының теңқұрушысы, New Vision ұйымдастыру комитетінің мүшесі, Даурен Бимов — SMG холдингінің, SAF қоры мен KIT қауымдастығының негізін қалаушы, Дамир Аманжолов — кәсіпкер, ҚР Панкратион федерациясының вице-президенті секілді кәсіпкерлер жиналған. Форумның негізін қалаушы және бас директоры Мақсат Құрбенов сөз сөйледі:
«Біздің мақсатымыз — тек көпшілік жинау емес. Біз бұл форумды бағыт-бағдар алатын, серіктес табатын және бағытты тексеруге болатын орта ретінде құрып жатырмыз. New Vision миссиясы — кәсіпкерлерді шабыттандыру, біріктіру және дамыту. Біз сәнге айналған терминдер емес, шынайы стратегиялар туралы айтамыз. Бұл стратегиялармен 2026 жылға сенімді қадам жасауға болады»
Форумның басты тақырыбы — Future Ready. 2026 жылға арналған жаңашыл стратегиялар. Бұл тақырып — басқарушылық шешімдер мен өзгерістерге бейімделу қажеттігін көрсетеді: экономикалық трансформациядан бастап технологиялық серпілістерге дейін.
«New Vision еліміздің экономикасына тікелей әсер етеді: шетелдік сарапшылар келеді, бұл — елге назар аударудың бір жолы. Олар соңғы бизнес трендтерді, геосаяси контекстті бөліседі. Бұл қазақстандық кәсіпкерлерге нарықты түсінуге, тез бейімделуге көмектеседі. Мұндай алаңдар — бағыт-бағдар береді және жүйелі түрде өткізілуі тиіс» Қанат Көпбаев
Қазан айында өтетін форум аясында:
- 50-ден астам іскерлік сессия;
- 100-ден аса компания қатысатын бизнес-көрме;
- халықаралық және өңірлік сарапшылар қатысатын панельдік пікірталастар;
- арнайы форматтар: мастер-класстар, келіссөз аймақтары, инвесторлармен кездесулер.
Форум өтетін негізгі орындар - «Қазақстан» және Novotel қонақ үйлері, Абай алаңы және Республика сарайы. Барлық локациялар ортақ маршрутпен біріктіріледі.
Форумның биылғы ерекшелігі — қатысушыларға арналған мобильдік қосымшаның іске қосылуы. Қосымша арқылы жеке кесте құруға, кездесулер белгілеуге, контент ұсыныстарын алуға және ортақ онлайн-комьюнити бөлігі болуға болады. Бұл форум тек үш күндік іс-шара ғана емес, кәсіпкерлер қауымдастығын құру жолындағы қадам.
Басты хедлайнерлердің қатарында:
- Джефф Хоффман — Booking.com құрылтайшыларының бірі;
- Макс Хоффман — Disney мен Warner Brothers-тың бұрынғы басшысы;
- Арсен Томский — InDrive компаниясының негізін қалаушы.
Сонымен қатар, форум бағдарламасында — Александр Высоцкий, Михаил Гребенюк, Игорь Манн сынды бизнес-жаттықтырушылар мен сарапшылардың және қазақстандық кәсіпкерлердің қатысуымен өтетін сессиялар болады.
Форумға YPO Kazakhstan, KIT, Equium секілді жетекші аймақтық бизнес-клубтар қатысады. Әр клуб өзіне тән сессияларды ұйымдастырады, олар форум қатысушылары үшін ашық болады. Бұл — практикалық кейстерді талқылауға және жаңа серіктестіктерге мүмкіндік береді.
«Өмірімдегі барлық мүмкіндіктер адамдар арқылы келді — мықты менеджер болғаным үшін емес, жанымда сеніп, қолдау білдірген адамдар болғаны үшін. Былтыр New Vision-ға алғаш шақырғанда, бұл менің 700-ші сөз сөйлеуім болса да, қобалжығаным болды. Бірақ дәл осындай алаңдар — өсу нүктесі: сен жайлы аймақтан шығып, байланыс орнатып, өз қауымдастығыңды құра бастайсың. Нағыз нетворкинг дегеніміз — өзің тұрған нүктеге, жан-жағыңдағы адамдарға, отбасыңа, сенім артатын жақындарыңа шынайы қараудан басталады» Дамир Аманжолов
NEW VISION 2025 форумы екінші рет ұйымдастырылуда. Өткен жылы ол 30 елден 6 000-нан астам қатысушыны жинап, цифрлық технологиялар, инвестициялар, адами капитал және кәсіпкерлік көшбасшылық тақырыптарын талқылау алаңына айналды.
