«Атамұра» баспасы Гоголь және Абай атындағы Қарағанды облыстық кітапханаларына 50 данадан жаңа кітаптар сыйға тартты. Жаңа басылымдар жақын арада оқырмандарға қолжетімді болады, деп хабарлайды DKnews.kz.
Гоголь кітапханасына қазақ классиктерінің туындылары сыйға тартылды. Кітаптардың көпшілігі мемлекеттік тілде.
– Бұл сыйлық өте тиімді болды және біз «Атамұра» баспасына ризамыз. Тарихи тұрғыдан алғанда біздің қорларымызда кітаптардың көпшілігі орыс тілінде. Алайда оқырмандардың сұраныстары мен қажеттіліктері өзгерді, қазір адамдар қазақ тілінде әдебиет сұрайды. Сондықтан біз қорларымызда кітаптардың 50%-ы қазақ тілінде және сонша орыс тілінде болуына ұмтыламыз, – дейді Гоголь атындағы кітапхана басшысының орынбасары Гаухар Үмбединова.
Қазір кітапханалардың жаңа кітаптары теңгерімге алынуда. Процесс аяқталғаннан кейін кез келген адам 45 күнге дейін жаңа басылымды үйге ала алады.
Абай атындағы облыстық балалар кітапханасына да қазақ тіліндегі кітаптар сыйға тартылды.
Олардың ішінде балалар ертегілері де, «Мектеп кітапханасы» сериясындағы танымал қазақстандық және шетелдік авторлар шығармалары да бар.
«Атамұра» баспасы Ұлттық кітап күніне арналған байқауда «Үздік баспа» номинациясында жеңіске жетті.
