ВВС курсанттарының теңіз практикалық жиыны Ақтауда басталды

1529
Фотосурет: Gov

Әскери институт курсанттары Каспий теңізінде тәжірибеден өтуде, деп хабарлайды DKnews.kz.

Ақтауда 2-ші шілдеден 26-шы шілдеге дейін Талғат Бигелдинов атындағы Әуе қорғанысы күштерінің Әскери институты әскери-теңіз кафедрасының курсанттары үшін теңізде тәжірибе өтіп жатыр. Оқу-жаттығу жиындары Қазақстан Республикасы Қарулы күштерінің Әскери-теңіз күштеріне қарасты 29011 әскери бөлімінің базасында ұйымдастырылған.

Болашақ офицерлер әскери-теңіз күштерінің  бөлімдерінде дайындықтан өтіп, вахта қызметі мен штурмандық қызметтің дағдыларын меңгеруде, сондай-ақ ашық теңізде жаттығу өткізуде. Алғашқы кезеңде курсанттар судағы қауіпсіздік техникасы бойынша нұсқаулықтан өтіп, бөлімшелерге бөлініп, сынақ парақтарын алды.

Ерекше назар апаттық жағдайлардағы іс-әрекеттерге, сүңгуір жабдықтарын меңгеруге және суда өмір сүру негіздеріне аударылуда. Сабақтар әскери кемелер бортында да, оқу-жаттығу орталықтарында да өткізіледі.

Негізгі дайындықтан бөлек, курсанттар мәдени-тәрбиелік бағдарламаға да қатысуда: олар мұражайларға, ескерткіштерге барып, Ақтаудың тарихы және көрнекі жерлерін аралауда.

Әскери-теңіз факультетінің доценті, бірінші дәрежелі капитан Артур Тудаковтың айтуынша, теңізде өтетін тәжірибе болашақ офицерлердің қалыптасуында маңызды рөл атқарады: «Теңіз үстінде жедел ойлауға, тәртіпке және жауапкершілікке үйретеді. Бұл — курсанттарға теориялық білімді бекітіп қана қоймай, кәсіби қасиеттерді қалыптастыруға мүмкіндік беретін баға жетпес тәжірибе».

Кеме тәжірибесі курсанттардың жеке тұлғалық өсуіне, әскери және кәсіби дағдыларын дамытуына ықпал етеді, бұл олар үшін Әскери-теңіз күштерінде табысты қызмет атқару үшін қажет.

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -