«Қазсушар» РМК «Абай» филиалының «Егінсу» өндірістік учаскесінде Отгонный каналы жабылып, су өзен арнасына бұрылды, деп хабарлайды DKNews.kz.
Бұл шара каналда механикалық тазалау жұмыстарын жүргізу үшін қабылданды.
Учаске құрамындағы 2 су қоймасы, 11 су торабы және 23 магистралдық канал Үржар, Мақаншы және Аягөз аудандарындағы шаруашылықтарды сумен қамтамасыз етеді. Қазір вегетациялық кезеңде 185 шаруа қожалығына 20,65 млн текше метр су беріліп, ол дәнді және майлы дақылдар, көпжылдық шөптер, көкөністер, картоп, жүгері және бақша дақылдарын суаруға жұмсалады.
