МСАК тиімділігін арттыру - отандық денсаулық сақтауды дамытудағы негізгі басымдық, деп хабарлайды DKNews.kz.
Соңғы бір жарым жылдың ішінде емханалар мен амбулаториялар жұмысындағы тәсілдер қайта қаралды. Негізгі назар «Қолжетімді емхана» тұжырымдамасына аударылады, ол медициналық көмекті халыққа жақындатады және ыңғайлы етеді.
Бірінші - жасы 76 жасқа дейін ұлғайған сайын скринингтер жүргізу үшін нысаналы топ кеңейеді. Бұл қосымша 1 миллионға жуық адам зерттеліп-қаралып, барлығы 4 миллионға жуық қазақстандық скринингпен қамтылатынын білдіреді.
Қазіргі заманғы жоғары сезімталдық тесттері (гликирленген гемоглобин, ТТЛП, триглицеридтер) созылмалы ауруларды 1,5-2 есе жиі анықтауға мүмкіндік береді;
50-76 жастағы ер адамдардың арасындағы ми қан айналымы бұзылуларының жаңа скринингі - жыл сайын 850 мың адамды қамту. Бұл уақытында инсульттің алдын алуға және өмірді сақтауға мүмкіндік береді;
Онкоскринингтер қолжетімді болды - олар МӘМС пакетінен ТМККК-ға ауыстырылды, бұл тағы 300 мың сақтандырылмаған азаматты қамтуды қамтамасыз етеді.
Емханалардың жұмысын жаңа ұйымдастыру:
- мейіргерлер дәрігердің кейбір функцияларын алады, бұл көмектің қолжетімділігін 60%-дан 80%-ға дейін арттырады;
– қашықтықтан жазу – жалпы практика дәрігерлеріне қолжетімділік 3,5 есе, бейінді мамандарға - 15 есе өсті;
- жоспарланған қабылдау-енді пациенттің диагностикадан нәтижеге дейінгі жолы екі аптада 3-4 келудің орнына 15 минут ішінде 1 келуді қамтиды;
- учаскелік дәрігердің қабылдау уақыты 4-тен 6 сағатқа дейін ұзартылды;
- артық зерттеп-қараулар мен емшараларды болдырмау үшін оңтайлы өндіріс қағидаттары енгізілуде.
Дәрігерлерді уәждеу және ынталандыру:
- жан басына шаққандағы нормативтің ынталандырушы компоненті 2 есеге ұлғайтылды (100 теңгеден 200 теңгеге дейін);
- бонустар енгізілді: онкология мен туберкулезді ерте анықтағаны үшін 5 АЕК дейін;
- сапалы көрсеткіштерге қол жеткізгені үшін мамандар бір учаскеге тоқсанына 2 млн теңгеге дейін (7 дәрігер мен мейіргер)ала алады;
- экономикалық ынталандыру жүйесі жоспарлануда: ЖНК белсенді емес халық үшін 20%-ға және сақтандырылмаған халық үшін 10%-ға төмендеді.
Жедел жәрдем жүктемесін азайту:
- 4-санаттағы қоңыраулар МСАК-қа берілді;
- мобилдік бригадалар мен бірыңғай call-орталықтар құрылды, бұл жедел жәрдем жүктемесін 40-50%-ға төмендетуге мүмкіндік берді;
- емханалардың жанындағы жедел жәрдем кабинеттері жұмыс уақытында тәулік бойы стационарларға жүгіну санын 20%-ға азайтады.
Күтілетін нәтижелер:
– созылмалы аурулары бар пациенттерді қамтуды кеңейту - 30%-дан 80%-ға дейін;
- СИЕА бойынша шұғыл емдеуге жатқызуды 30%-дан 10%-ға дейін төмендету;
-созылмалы және онкологиялық ауруларды анықтаудың 1,5-2 есе артуы;
- қаржы ресурстарын неғұрлым ұтымды пайдалану.
