Маңғыстау облысы бойынша Мемлекеттік кірістер департаменті салық төлеушілердің дебиторлық берешегі есебінен салық берешегін өтеу механизмі қолданыстағы заңнамада көзделгенін хабарлайды.
Аталған құрал бюджет алдындағы берешекті азайтуға және салық міндеттемелерінің неғұрлым тиімді орындалуын қамтамасыз етуге бағытталған, деп хабарлайды DKNews.kz.
Егер борышкерде мерзімі өткен дебиторлық берешек анықталса, салық органдары оны өндіріп алу рәсімін бастауға және алынған қаражатты салықтық міндеттемелерді өтеуге бағыттауға құқылы.
Сонымен қатар, бұл механизмді қолдану белгілі бір тәуекелдермен байланысты: қарсы тараптармен даулар, сот талқылаулары және компаниялар қызметіндегі қаржылық қиындықтар.
Аталған рәсімдерді реттеу Қазақстан Республикасының Салық кодексі мен азаматтық заңнамасы шеңберінде жүзеге асырылады. Тәуекелдерді төмендету мақсатында бизнеске дебиторлық берешекті уақтылы есепке алып, оны құжатпен растау ұсынылады.
Салық органдары мемлекеттің мүдделері мен бизнестің тұрақты дамуы арасындағы тепе-теңдікті қамтамасыз ету үшін құқық қолдану тәжірибесін жетілдіру жұмысын жалғастыруда.
