5 қарашада Астана қаласында Әзербайжан Мәмбетов атындағы драма және комедия театрының сахнасында Қазақстан ТЖМ ынтымақтастықта құрылған «Қауіпсіз болашақ» балалар қойылымының премьерасы өтті, деп хабарлайды DKNews.kz.
Спектакльдің басты мақсаты балалардың төтенше жағдайларда қауіпсіз жүріс-тұрыс дағдыларын қалыптастыру және хабардарлығын арттыру. Қызықты және қолжетімді түрде жас көрермендерге өрт қауіпсіздігі ережелері, ТЖ туындаған кездегі дұрыс іс-қимылдар және өз қауіпсіздігіне жауапкершілікпен қараудың маңыздылығы туралы айтылады.
Жоба театрдың шығармашылық ұжымы мен ТЖМ мамандарының тығыз өзара іс-қимылының нәтижесі болды. Құтқарушылар қойылымды дайындауға белсенді қатысты: шығармашылық топқа кеңес берді, сахналық шешімдерді, костюмдер мен реквизиттерді әзірлеуге көмектесті. Осының арқасында спектакль тек әсерлі және танымдық ғана емес, сондай-ақ кәсіби тұрғыдан сенімді болды.
Премьера жас көрермендердің көңілінен шықты. Қойылым кіші және орта жастағы оқушыларға арналған және балалар арасындағы қауіпсіздік мәдениетін нығайтуға бағытталған білім беру іс-шараларының қатарына кіреді.
Премьера күні ТЖМ қызметкерлері балаларға интерактивті шағын көрме дайындады: балалар өрт сөндірушінің жауынгерлік киімін киіп, өрт сөндіргіш құрылғысымен танысып, құтқарушылардың қиын, бірақ ерлікке толы күндері туралы көбірек біле алды.
Театр мен ТЖМ мүмкіндігінше көп балалар жеке қауіпсіздік пен өзара көмектің маңыздылығы туралы білуі үшін ынтымақтастықты жалғастыруды жоспарлап отыр.
