2025 жылғы 12 қарашада Ташкент қаласында Түркі мемлекеттері ұйымының мультимодальды көлік форумы өтті, деп хабарлайды DKNews.kz.
Іс-шараға қатысушы елдердің көлік ведомстволарының жоғары лауазымды басшылығы, сонымен қатар ТМҰ Бас хатшысы Кубанычбек Омуралиев және бірқатар халықаралық ұйымдардың өкілдері көлік саласындағы дамудың негізгі мәселелерін талқылау үшін жиналды.
Қазақстан тарапынан форумға вице-министр Талғат Ластаев қатысып, елдегі мультимодальды тасымалдарды дамыту перспективасы туралы баяндама жасады.
Қазақ делегациясының басшысы ТМҰ-ның халықаралық аралас жүк тасымалдары туралы Келісімінің күшіне енуінің стратегиялық маңыздылығын атап өтті. Сонымен қатар, вице-министр ТХКБ терминалдық инфрақұрылымды дамыту және автомобиль көлігіндегі әкімшілік кедергілерді азайту бойынша қабылданып жатқан шараларды атап өтті.
Талғат Ластаев Форум қатысушыларын 2023–2027 жылдарға арналған ТМҰ көлік байланысы бағдарламасы аясында мультимодальды тасымалдарды дамыту бойынша күш-жігерді біріктіруге шақырды.
Форумға қатысу Қазақстанның түркі әлеміндегі өзара байланысты нығайтуға және транзиттік әлеуетті арттыруға деген ұстанымын айқындайды. Бағдарламаны іске асыру ТМҰ мүше мемлекеттері арасында ықпалдасқан әрі тиімді логистикалық желі құрудың негізін қалайды.
