Таиланд астанасы Бангкокта шахматтан 27-ші жасөспірімдер арасындағы Азия чемпионаты аяқталды, деп хабарлайды DKNews.kz.
Бағдарламаның үш түрі – классика, рапид және блиц бойынша жас қазақстандықтар 11 медаль жеңіп алды, оның 5-еуі – алтын. Азия-2025 чемпиондары атанғандар: Милана Филиппова (G10) және Мария Холявко (G14) – классикада, Әміржан Әнетов (O10) – рапидте, Әлішер Әбдісаттар (O14) және Әсия Асылхан (G16) – блицте. Құттықтаймыз!
2025 жылғы 21–29 қараша аралығында Таиланд астанасы Бангкокта 33 ел мен аумақтан келген шамамен 700 қатысушының басын қосқан шахматтан 27-ші жасөспірімдер арасындағы Азия чемпионаты (27th Asian Youth Chess Championships 2025) өтті.
Алғашқы күні 15+5 уақыт бақылауымен 7 турлық «швейцар» жүйесінде өткен рапидте жүлделер сарапқа салынды (O10 санатында Азия чемпионы Әміржан Әнетов атанды, қола медаль оның құрдасы Алихан Назарбекке бұйырды). Осыдан кейін жас шахматшылар бағдарламаның екінші бөлігі – 90+30 уақыт бақылауымен өтетін 9 турлық классикаға көшті. Мұнда қазақстандықтар 5 медаль жеңіп алды: Азия чемпиондары – Милана Филиппова (G10) және Мария Холявко (G14), ал қола медаль иегерлері – Ризат Ұлан (O10), Әдия Жеңіс (G12) және Ясмина Алеманова (G16).
Классиканың соңғы туры аяқтала салысымен, бағдарламаның үшінші түрі – 3+2 уақыт бақылауымен өтетін блицтің 9 туры басталды. Біреулер үшін бұл өз әмбебаптығын тағы бір мәрте дәлелдеу мүмкіндігі болса, енді біреу үшін алдыңғы кезеңдердегі сәтсіздіктерді түзетуге арналған соңғы мүмкіндік болды. Қазақстандық жеңімпаздар мен жүлдегерлер барлығы осы мүмкіндікті толық пайдаланды: Азия чемпиондары атанғандар – астаналық Әлішер Әбдісаттар (O14) және Түркістан облысынан Әсия Асылхан (G16), күміс медальды павлодарлық Асман Баянтас (O18) жеңіп алды, ал қола медаль астаналық Әлімжан Жауынбайға (O12) бұйырды.
O8 (71 қатысушы): 1. Киаша Махбуби (1960, Иран) – 8 ұпай; 2. Нгуен Чан Зя Вуонг (1603, Вьетнам) – 8; 3. Мариус Константе (1642, Филиппины) – 7.
G8 (46 қатысушы): 1. Ааранья Р. (1481, Үндістан) – 9 ұпай; 2. Чжу Цзяхе (1637, Қытай) – 7; 3. Чжан Юньйи (1557, Сингапур) – 7.
O10 (82 қатысушы): 1. CM Нгуен Хуан Фуонг (2078, Вьетнам) – 8 ұпай; 2. Нурмухаммад Нематиллахонов (1989, Өзбекстан) – 7; 3. Хоанг Тан Винь (1983, Вьетнам) – 7.
G10 (61 қатысушы): 1. Могхадам Асма Хасанпор (1872, Иран) – 9 ұпай; 2. WCM Хуснорахон Хуснитдинова (1746, Өзбекстан) – 7; 3. WCM Чэнь Чжихань (1683, Китай) – 7.
O12 (82 қатысушы): 1. FM Рамтин Какаванд (2339, Иран) – 7½ ұпай; 2. CM Айхан Рахбар (1910, Иран) – 7½; 3. FM Әлімжан Жауынбай (2065, Қазақстан) – 7.
G12 (51 қатысушы): 1. WFM Алиса Генриетта Юнкер (2100, FIDE) – 9 ұпай; 2. WCM Пратити Бордолой (1807, Үндістан) – 7; 3. WCM Аадья Говда (1700, Индия) – 7.
O14 (74 қатысушы): 1. Әлішер Әбдісаттар (2135, Қазақстан) – 8 ұпай; 2. IM Дау Хуонг Дуи (2438, Вьетнам) – 7½; 3. CM Фёдор Антипов (2135, FIDE) – 7.
G14 (50 қатысушы): 1. WCM У Шуан (1846, Қытай) – 7½ ұпай; 2. WFM Ниведита В. Ч. (1963, Үндістан) – 7; 3. WCM Нгуен Минь Ти (1884, Вьетнам) – 7.
O16 (57 қатысушы): 1. IM Кристиан Джан Карло Арка (2313, Филиппин) – 7½ ұпай; 2. FM Динь Ньё Кьет (2257, Вьетнам) – 7; 3. IM Итан Ваз (2332, Үндістан) – 7.
G16 (36 қатысушы): 1. Әсия Асылхан (1949, Қазақстан) – 7½ ұпай; 2. Май Хьеу Линь (2041, Вьетнам) – 7; 3. WFM Мария Власова (2010, FIDE) – 6½.
O18 (43 қатысушы): 1. Чжан Чжи (2031, Қытай) – 7½ ұпай; 2. FM Асман Баянтас (2249, Қазақстан) – 7½; 3. IM Джалолиддин Ильхоми (2177, Тәжікстан) – 7.
G18 (36 қатысушы): 1. WIM Ольга Карманова (2084, FIDE) – 8 ұпай; 2. Нгуен Ха Хань Линь (1933, Вьетнам) – 7½; 3. Салва Надя Махарани (1808, Индонезия) – 7.
