Мемлекет басшысы Қасым-Жомарт Тоқаев Қазақстан мен Жапония арасындағы туристік саладағы ынтымақтастықты дамытудың негізгі бағыттарын айқындап, туристерді тарту және өзара сапарларды кеңейту үшін бірыңғай орталықазиялық маршрут құру мен визалық рәсімдерді жеңілдетудің маңызын атап өтті, деп хабарлайды DKNews.kz.
«Орталық Азия елдерінің тарихы мен мәдени мұрасы бай, табиғаты әсем. Бұл жапон туристерін қызықтырары сөзсіз. Қазақстан Жапониямен туризм саласындағы ынтымақтастықты кеңейтуге ниетті. Жапониялық туристер үшін Орта Азияның бірыңғай туристік маршрутын әзірлеген жөн деп есептеймін. Сондай-ақ Орталық Азия елдерінің халқына визалық рәсімдерді жеңілдеткен дұрыс. Бұл жапондық туристердің бір сапарда бірнеше елді аралап шығуына мүмкіндік береді. Ал біздің азаматтарымыз Күншығыс елімен етене таныса алады. Жапонияны Осака қаласында ЭКСПО 2025 көрмесін табысты өткізуімен тағы да құттықтаймын. «Көрме тақырыбын жан-жақты көрсету» номинациясы бойынша алтын жүлде иеленгендеріңізге қуаныштымыз» Қасым-Жомарт Тоқаев
