Алматының Түрксіб ауданында мамандандырылған өрт бөлімінің жаңғырту жұмыстары аяқталды. Бөлімшенің жаңартылған инфрақұрылымымен Қазақстан Республикасының Төтенше жағдайлар министрі генерал-лейтенант Шыңғыс Әрінов танысты, деп хабарлайды DKNews.kz.
1957 жылы пайдалануға берілген нысан ондаған жылдар бойы қаланың негізгі бағыттарының бірінің өртке қарсы қауіпсіздігін қамтамасыз етіп келеді.
Жұмыстар ТЖМ басшысының тапсырмасына сәйкес ведомстволық нысандарды кезең-кезеңімен жаңғырту аясында жүргізілді. Ғимаратта күрделі жөндеу жұмыстары жүргізілді: шатыр толығымен ауыстырылды, ішкі және сыртқы әрлеу жұмыстары жүргізілді, қасбеті ведомствоның сәулет генокодына сәйкес заманауи сызықтық панельдерді қолдана отырып ресімделді.
Сондай-ақ инженерлік желілер жаңартылды, гараж бокстарында пайдаланылған газдарды шығару жүйесі орнатылды, жаңа өрт дабылы жүйесі монтаждалып, бөлімше аумағында кешенді абаттандыру жұмыстары жүргізілді.
Өрт депосы төрт шығуға есептелген және негізгі әрі арнайы техникамен жабдықталған. Бөлімше 65 мыңнан астам тұрғынды және 289 нысанды өрттен қорғауды қамтамасыз етеді. Олардың қатарында Жас-Қанат, Аяжан, Береке және Маяк тұрғын алаптары, сондай-ақ Алматы халықаралық әуежайы, теміржол вокзалы мен Қорғаныс министрлігінің нысандары бар. Жүргізілген жаңғырту жұмыстары бөлімшенің төтенше жағдайларға жедел әрекет ету дайындығын арттырды.
