Төтенше жағдайлар вице-министрі генерал-майор Кеген Тұрсынбаев Қазақстан Республикасының Парламенті Сенатының депутаттары Амангелді Нұғмановпен, Марат Қожаевпен және Геннадий Шиповскихпен жұмыс кездесуін өткізді, деп хабарлайды DKNews.kz.
Кездесу барысында ведомствоның негізгі қызмет бағыттары мен төтенше жағдайлардың алдын алу және олардың салдарын жою бойынша жүзеге асырылып жатқан шаралар талқыланды.
Кездесуге қатысушылар алдағы кезеңге арналған жоспарларға, құтқару бөлімшелерінің дайындығын арттыру, материалдық-техникалық базаны нығайту, сондай-ақ төтенше жағдайларға ден қою саласындағы ведомствоаралық өзара іс-қимылды жетілдіру мәселелеріне ерекше назар аударды.
Кездесу азаматтық қорғау және төтенше жағдайлар саласындағы мемлекеттік саясатты іске асырудың келісілген тәсілдерін әзірлеуге, сондай-ақ халықтың қауіпсіздік деңгейін арттыруға бағытталған.
Талқылау қорытындысы бойынша Сенат депутаттары министрліктің азаматтық қорғау жүйесін дамыту, төтенше жағдайлардың алдын алу және оларды жою жөніндегі шаралардың тиімділігін арттыру жөніндегі бастамаларына жан-жақты қолдау көрсетуге дайын екендіктерін білдірді. Тараптар конструктивті өзара әрекеттестікті және бірлескен жұмысты жалғастыру ниетін растады.
