Қазақстандық лоукостер FlyArystan ағымдағы жылдың жазғы маусымында Алматыдан Ыстықкөлге маусымдық рейстердің қайта іске қосылатынын хабарлайды, деп хабарлайды DKNews.kz.
Ұшулар 2026 жылғы 18 маусымнан 30 тамызға дейін жалғасады.
Алматы – Тамшы (Ыстықкөл) – Алматы бағыты бойынша рейстер аптасына екі рет – бейсенбі және жексенбі күндері орындалады. Бұл кесте апта соңындағы қысқа сапарлар үшін де, жазғы ұзақ демалысты жоспарлау үшін де қолайлы.
Ең тиімді әуебилеттері алдын ала брондау кезінде ұсынылады, осыған байланысты жолаушыларға сапарларын ертерек жоспарлауға кеңес беріледі. Билеттердің бағасы 24 000 теңгеден басталады.
Алматыдан Ыстықкөлге алғашқы тікелей рейс 2025 жылғы 3 шілдеде іске қосылған болатын. Биылғы жазғы маусымда бағыттың қайта ашылуы өңірдегі ең танымал курорттық бағыттардың біріне қолжетімді әуе тасымалына деген тұрақты сұранысты көрсетеді.
Ұшу уақыты шамамен бір сағатты құрайды, ал жерүсті көлігімен жол жүру бес-жеті сағатқа дейін созылады. Бұл әуе қатынасын курортқа жетудің ең жылдам әрі жайлы тәсіліне айналдырады.
Әуе билеттері FlyArystan мобильді қосымшасында, www.flyarystan.com ресми сайтында, сондай-ақ басқа да қолжетімді сату арналары арқылы қолжетімді.
