Қазақстан ерлер құрамасының көшбасшысы Александр Бублик карьерасында алғаш рет Australian Open турнирінің үшінші айналымына шықты, деп хабарлайды DKNews.kz.
Турнирдің екінші айналымында Бублик Венгрия өкілі, ATP рейтингінде 54-орында тұрған Мартон Фучовичті сенімді түрде жеңді Матч үш сетте аяқталды — 7:5, 6:4, 7:5 Бұл жеңіс қазақстандық теннисші үшін кәсіби мансабындағы 195-ші жеңіс болды Үшінші айналымда Александр аргентиналық Томас Мартин Этчеверримен кездеседі.
Мельбурндегі жарысты Юлия Путинцева да сәтті жалғастырып келеді Әлемдік рейтингте 94-орында тұрған қазақстандық теннисші екінші айналымнан айтарлықтай қиындықсыз өтіп, Франция өкілі Эльза Жакмоны (WTA 60) — 6:1, 6:2 есебімен айқын басымдықпен ұтты Келесі кезеңде Путинцева Түркия өкілі, WTA рейтингінде 112-орында тұрған Зейнеп Сёнмезге қарсы ойнайды.
Ал Александр Шевченко үшін Australian Open турниріндегі күрес екінші айналымда аяқталды Қазақстандық теннисші америкалық Лернер Тьенге (ATP 29) төрт сетте — 2:6, 7:5, 1:6, 0:6 есебімен жол берді.
Осылайша Александр Бублик пен Юлия Путинцева маусым басындағы өздері үшін ең үздік нәтижелерге қол жеткізіп, Австралияның ашық чемпионатындағы жарысты жалғастырып жатыр.
