Қазақстандағы планшет нарығы соңғы жылдары жаңа қарқын ала бастады. Қолданушылар құрылғыдан тек ойын-сауықты емес, нақты жұмыс пен оқуға жарамды мүмкіндіктерді күтеді. Осындай сұраныс аясында 2025 жылы Huawei планшеттер сегментінде сенімді өсім көрсетіп, сатылым үлесін айтарлықтай арттырды. GfK деректері де брендтің Қазақстанда көшбасшылар қатарына шыққанын растайды, деп хабарлайды DKNews.kz.
Бұл өсім кездейсоқ емес. Huawei соңғы жылдары экожүйені дамытуға, инновациялық технологияларға және бір құрылғыда бірнеше сценарийді қамтитын әмбебап шешімдерге басымдық беріп келеді. Сол стратегияның логикалық жалғасы ретінде қаңтар айының соңында қазақстандық нарықта Huawei MatePad 11.5 S планшетінің сатылымы ресми түрде басталды.
Бір қарағанда-ақ жұмысқа арналғаны сезіледі
MatePad 11.5 S ойын-сауыққа арналған қарапайым планшет ретінде емес, өнімді жұмыс пен оқуға бағытталған құрылғы ретінде ұсынылады. 11,5 дюймдік IPS-дисплейдің ажыратымдылығы 2800×1840 пиксель, жаңарту жиілігі 144 Гц-ке дейін жетеді, ал жарықтығы 500 нитке дейін көтеріледі. Мұндай сипаттамалар экранды кеңседе де, аудиторияда да, тіпті жарық мол ортада да ыңғайлы пайдалануға мүмкіндік береді.
Ішкі «жүрегі» де заманауи талаптарға сай. Фирмалық Kirin 8020 процессоры мен Maleoon 920 графикалық үдеткіші 12 ГБ жедел жады және 256 ГБ ішкі жадымен үйлесіп, көптапсырмалы жұмысты қиындықсыз атқаруға жағдай жасайды. Құжаттармен жұмыс, презентациялар, графикалық қосымшалар - барлығы бірқалыпты әрі жылдам орындалады.
PaperMatte - көзге жайлы экранның жаңа деңгейі
MatePad 11.5 S-тің басты ерекшеліктерінің бірі - жетілдірілген PaperMatte технологиясы. Бұл жай ғана матты экран емес. Нанотекстураланған жабын жарық шағылысуын айтарлықтай азайтып, сонымен бірге түстердің қанықтығы мен айқындығын сақтайды. Ашық күн астында немесе жарығы күшті кеңседе де экранға қарау ыңғайлы.
Ең бастысы - ұзақ уақыт жұмыс істегенде көз азырақ шаршайды. Мәтіндер табиғи көрінеді, суреттер мен бейнелер егжей-тегжейлі сақтайды, ал сенсорлық жауап беру жылдамдығы төмендемейді. Құжат оқудан бастап сурет салуға дейінгі барлық сценарийде экран өзін сенімді көрсетеді.
Ноутбукке балама бола алатын мобильді кеңсе
Huawei бұл планшетті күнделікті тапсырмалардың басым бөлігінде ноутбукты алмастыра алатындай етіп жасаған. Толық өлшемді пернетақта-қап планшетті берік ұстап тұрады және жолда, көлікте немесе тізеде отырып та ыңғайлы теруге мүмкіндік береді. Қажет кезде пернетақтаны бөлек қолдануға да болады.
Тағы бір маңызды артықшылық - алдын ала орнатылған кеңселік қосымшалар. WPS Office-тің толыққанды ПК-нұсқасы құжаттармен, кестелермен және презентациялармен компьютердегідей жұмыс істеуге мүмкіндік береді. Ал экранды бөлу функциясы бір уақытта бейнеқоңырауға қатысып, файл өңдеуге немесе жазба жүргізуге жағдай жасайды.
515 грамм салмақ пен 6,1 мм қалыңдық планшетті күнделікті алып жүруге ыңғайлы етеді. Бұл - мобильділікке мән беретіндер үшін үлкен плюс.
Шығармашылыққа арналған дайын құрал
MatePad 11.5 S тек кеңсе жұмысына ғана емес, шығармашылыққа да бейімделген. Тегін қолжетімді GoPaint қосымшасы түрлі қылқаламдар, текстуралар мен эффектілерді, сондай-ақ анимациялық мүмкіндіктерді ұсынады.
Үшінші буындағы Huawei M-Pencil стилусы жоғары дәлдік пен сызықтардың бірқалыпты қозғалысын қамтамасыз етеді. Ол дәрістегі жедел жазбаларға да, күрделі иллюстрациялар мен дизайн жобаларына да бірдей ыңғайлы. Жағымды жайт - стилус планшетпен бірге сыйлыққа беріледі. Бұл студенттер мен креативті мамандар үшін MatePad 11.5 S-ті одан әрі тартымды етеді.
Автономдылық пен дыбыс сапасы
Планшет 8800 мА·сағ аккумулятормен жабдықталған. Бұл жадында сақталған видеоны 12 сағатқа дейін үздіксіз көруге мүмкіндік береді. Ал 40 Вт жылдам зарядтау технологиясы құрылғыны қысқа уақытта қайта пайдалануға дайын етеді.
Корпустың бүйірлеріне орналастырылған төрт динамик фильм көру, бейнеқоңырау және музыка тыңдау кезінде көлемді әрі сапалы дыбыс ұсынады. Бұл да планшетті тек жұмыс емес, демалыс құралы ретінде пайдалануға мүмкіндік береді.
AppGallery және экожүйе мүмкіндіктері
MatePad 11.5 S фирмалық AppGallery қосымшалар дүкенімен жұмыс істейді. Мұнда кеңселік сервистерден бастап, мессенджерлерге, әлеуметтік желілерге, фото және бейне өңдеу бағдарламаларына дейін мыңдаған қосымша бар. Huawei әзірлеушілермен бірлесе отырып, сервистердің HarmonyOS жүйесіне тұрақты бейімделуін қамтамасыз етеді.
Экожүйенің тағы бір артықшылығы - планшетті Huawei смартфондарымен және басқа құрылғыларымен оңай синхрондау. Файл алмасу, хабарламаларға жауап беру, тіпті планшет экранын қосымша дисплей ретінде пайдалану мүмкіндігі бар.
Huawei MatePad 11.5 S - планшет туралы қалыптасқан түсінікті өзгертуге бағытталған құрылғы. Ол жеңіл, қуатты, көзге жайлы және жұмысқа нақты бейімделген. Экран сапасы, пернетақта мен стилусты қолдау, экожүйелік мүмкіндіктер бұл модельді оқу, жұмыс және шығармашылықты бір құрылғыда біріктіргісі келетіндер үшін қызықты нұсқаға айналдырады.
Қазақстан нарығындағы Huawei планшеттерінің өсімі де дәл осындай әмбебап әрі ойластырылған шешімдерге деген сұраныстың артып келе жатқанын көрсетеді.
