Италияның Милан және Кортина-д’Ампеццо қалаларында өткен XXV қысқы Олимпия ойындары аяқталды. Төрт жылдықтың басты додасына әлемнің 94 елінен 2917 спортшы қатысып, 16 дисциплина бойынша 116 жүлде жиынтығы сарапқа салынды, деп хабарлайды DKNews.kz.
Қазақстан ұлттық құрамасы бұл жолы 36 спортшымен қатысты.
- 18 ер спортшы
- 18 әйел спортшы
- 10 спорт түрі бойынша өнер көрсетті
Отандастарымыз 49 медаль жиынтығы сарапқа салынған жарыстарда бақ сынады.
Құраманың географиясы кеңейді
Биылғы Олимпиадада ұлттық құраманың өңірлік қамтуы бұрынғыдан да кеңейді.
- Астана, Алматы, Шымкент қалалары
- Ақмола, Шығыс Қазақстан, Алматы облыстары
- Павлодар, Қостанай, Солтүстік Қазақстан облыстары
- Қарағанды және Абай облыстары
Бұл көрсеткіш соңғы төрт олимпиадалық цикл ішіндегі ең жоғары деңгейге жетті.
Фотосурет: ©️ Сали Сабиров
Қазақстанға тарихи алтын медаль бұйырды
Олимпиаданың ең басты жетістігі 13 ақпанда тіркелді. Михаил Шайдоров мәнерлеп сырғанаудан Олимпиада чемпионы атанды.
- Бұл – Қазақстанның қысқы Олимпиададағы соңғы 32 жылдағы алғашқы алтыны
- Мәнерлеп сырғанаудан ел тарихындағы тұңғыш чемпион
- Бұған дейін бұл спортта тек бір қола медаль болған
Қазақстанның қысқы Олимпиададағы бұған дейінгі соңғы алтыны 1994 жылы шаңғышы Владимир Смирновтың жеңісімен тіркелген еді.
Жалпыкомандалық есептегі нәтиже
Қазақстан құрамасы жалпыкомандалық есепте 94 елдің ішінде 19-орынға тұрақтады.
- Финляндия құрамасын артта қалдырды
- Бельгия құрамасын басып озды
- Соңғы рет үздік 20-лыққа 1994 жылы енген
Жеке спортшылардың жарқын көрсеткіштері
Олимпиада барысында бірқатар спортшылар тарихи нәтижелерге қол жеткізді.
- Софья Самоделкина мәнерлеп сырғанаудан 10-орын алып, ұлттық рекорд жаңартты
- Надежда Морозова конькимен жүгіруден 3000 метрде 6-орын алды
- Елизавета Голубева 1500 метрде 7-орын көрсетті
- Әйелдер құрамасы командалық жарыста үздік сегіздікке енді
Басқа спорт түрлеріндегі ілгерілеу
Қазақстан спортшылары өзге дисциплиналарда да жоғары нәтижелер көрсетті.
- Илья Мизерных шаңғымен тұғырдан секіруден 8-орын алды
- Денис Никиша шорт-тректе 7-орынға ие болды
- Анастасия Городко мен Павел Колмаков могулда үздік ондыққа кірді
- Евгений Кошкин конькимен жүгіруден 9-орын алды
- Фристайл-акробатикадан командалық жарыста 7-орын тіркелді
Олимпиада қорытындысының маңызы
Сарапшылардың бағалауынша, ұлттық құраманың өнері Қазақстанда қысқы спорттың жүйелі дамып жатқанын көрсетті.
- Жаңа буын спортшылар қалыптасып келеді
- Өңірлік спорт инфрақұрылымы нығайған
- Мемлекеттік қолдау шаралары нәтиже беруде
- Халықаралық аренадағы бәсекеге қабілеттілік артқан
