28 ақпанда Иранның әуе кеңістігінің жабылуына және өңірдегі тұрақсыз жағдайға байланысты Таяу Шығыс бағытындағы бірқатар рейстер кестесіне өзгерістер енгізілді, деп хабарлайды DKNews.kz.
Бұл туралы Air Astana компаниялар тобы хабарлады.
Бірнеше рейс кері қайтарылды
Қауіпсіздік мақсатында бірқатар ұшақтар ұшып кеткен әуежайларына қайта оралды.
Атап айтқанда:
- KC263 Алматы – Медина
- KC897 Алматы – Дубай
- KC653 Алматы – Доха
- KC205 және KC207 Астана – Дубай
рейстері кері қайтарылды.
Кейбір рейстер бағыттарын өзгертті
Бірқатар рейстер қосалқы бағыттарға жіберілді.
Соның ішінде:
- KC899 Алматы – Дубай рейсі Делиге бағытталды
- FlyArystan FS7617 Ақтау – Дубай рейсі қосалқы әуежайға қонды
Таяу Шығысқа рейстер уақытша тоқтатылды
28 ақпанда Таяу Шығыс бағытындағы қалған рейстердің барлығы тоқтатылды.
Air Astana компаниялар тобы жағдайды мұқият бақылап, жолаушыларды тасымалдау мәселелерін шешу жұмыстарын жүргізіп жатыр.
Жолаушыларға маңызды ақпарат
Жолаушыларға рейс мәртебесін алдын ала тексеру ұсынылды.
Сонымен қатар:
- Жидда, Медина және Дубай бағыттарына билеттерді
- 6 наурызға дейін тегін қайта брондауға
- толық қайтаруға мүмкіндік берілді
Мамандар ұшу уақыты мен келу кестесінде өзгерістер болуы мүмкін екенін ескертеді.
