4 наурыз күні Таяу Шығыс елдерінен қайтарылған Қазақстан азаматтары мінген ұшақтар ел әуежайларына келіп қонды, деп хабарлайды DKNews.kz.
Air Astana бірнеше рейс орындады
Air Astana әуе компаниясы Медина мен Жидда қалаларынан бірнеше рейс орындады. KC2202 рейсі Ақтау қаласына сағат 21:28-де қонды. Бортта 142 жолаушы болды. KC2208 рейсі Медина – Атырау бағыты бойынша сағат 01:19-да қонды. Ұшақта 145 жолаушы болды. KC2206 рейсі Жидда – Атырау бағыты бойынша сағат 02:50-де қонды. Бортта 174 адам болды. KC2204 рейсі Жидда – Атырау бағыты бойынша сағат 03:34-те қонды. Ұшақта 179 жолаушы болды.
SCAT рейсі де орындалып жатыр
Сонымен қатар SCAT әуе компаниясы Алматы – Маскат – Алматы бағыты бойынша рейс орындауда. Рейс Boeing 767 әуе кемесімен жүзеге асырылып жатыр. Ұшақта шамамен 290 орын бар.
Қазақстанға 946 азамат қайтарылды
Қазіргі уақытқа дейін Қазақстанға жалпы саны 946 жолаушы қайтарылды. Қазақстан азаматтарын елге қайтару жұмыстары жалғасып жатыр.
