Солтүстік Қазақстан облысы Аққайың ауданының Тоқушы ауылында «Ауыл құтқарушылары» ведомстволық бағдарламасы аясында жаңа өрт сөндіру пункті өз жұмысын бастады. Бұл бастама шалғайдағы ауылдық елді мекендерде өрт қауіпсіздігін қамтамасыз етуге бағытталған, деп хабарлайды DKNews.kz.
Салтанатты ашылу
Салтанатты іс-шараға СҚО ТЖД бастығының бірінші орынбасары Нұрлан Нүкішев, жергілікті атқарушы органдардың өкілдері және ауыл тұрғындары қатысты.
Нұрлан Нүкішев атап өткендей:
«Жергілікті атқарушы органдармен ынтымақтастықта «Ауыл құтқарушылары» бағдарламасы кезең кезеңімен жүзеге асырылуда. Оның мақсаты шалғайдағы елді мекен тұрғындарын қорғауды қамтамасыз ету. Осылайша, облыс аумағында өрттен қорғау жүйесі нығайып, жетілдірілуде».
Пункт инфрақұрылымы
Жаңа нысан «Крафт» ЖШС базасында құрылып, толыққанды жұмыс істеу үшін барлық қажетті құралдармен қамтамасыз етілген. Еріктілердің қарамағында:
- Жылы бокс
- Автономды су жүйесі
- Жабдықталған тұрмыстық үй-жайлар
ТЖ департаменті пунктке:
- Өрт сөндіру автоцистернасын
- Өрт сөндіру құралдарын
- Өрт сөндірушілердің жауынгерлік киімдерін
- Радиостанцияларды
тапсырды.
Қорғаныс пен қауіпсіздік
Жаңа пункт Тоқушы ауылдық округінің үш елді мекенінде (Тоқушы, Тюменка, Камышлово) тұратын 2100-ден астам тұрғынның өрт қауіпсіздігін қамтамасыз етеді. Бұл төтенше жағдайларға әрекет ету уақытын қысқартып, өрттен келетін залалды айтарлықтай азайтуға мүмкіндік береді.
