Digital Qazaqstan 2026 форумы аясында Қазақстанда Red Bull Basement халықаралық AI стартап-инкубаторының ұлттық финалы өтті. Бағдарлама студенттер мен жас кәсіпкерлерге жасанды интеллект көмегімен технологиялық шешімдер ұсынуға мүмкіндік берді, деп хабарлайды DKNews.kz.
Халықаралық деңгейдегі мүмкіндік
Әлемнің 40-тан астам елінен қатысушылар грантқа ұмтылып, өз жобаларын АҚШ-тағы Кремний алқабындағы халықаралық финалда таныстыру мүмкіндігіне ие болады. Бағдарлама қатысушыларға тек тәжірибе ғана емес, стартапты іске қосуға нақты мүмкіндік береді:
- Бас жүлде – 100 000 доллар;
- Халықаралық менторлармен жұмыс;
- Инвесторлармен байланыс;
- Microsoft пен AMD сияқты технологиялық серіктестермен ынтымақтастық.
Ұлттық іріктеу кезеңдері
Қазақстанда ұлттық іріктеу бірнеше кезеңнен тұрды:
- Қатысушылар өз идеяларын сипаттап өтінім тапсырды;
- Видео-питчтер дайындады;
- Digital Qazaqstan форумы аясында финалистер жобаларын сахнада таныстырды;
- Сарапшылардан бағалау алды.
Ең үздік командалар өз шешімдерін жетілдіріп, елдегі жетекші сарапшылар мен инвесторларға ұсыну мүмкіндігі алды.
Astana Hub басқарушы директоры Таңат Өскембаев атап өткендей:
«Red Bull Basement – жас инноваторларға өз идеяларын ұлттық деңгейде көрсетуге және оны халықаралық аренаға шығаруға қолдау алатын ерекше мүмкіндік. Digital Qazaqstan сияқты алаңдар талантты жастар мен технологиялық қоғамдастықты біріктіреді. Мұндай бағдарламалар жаңа инновациялық көшбасшылардың әлеуетін ашады және елдің цифрлық экономикасын дамытуға ықпал етеді».
Қазылар алқасы мен қатысушылар
Red Bull Basement Kazakhstan 2026 қатысушылары өз жобаларын эксперттік қазылар алқасының алдында таныстырды. Қазылар құрамында:
- Қазақстан Республикасының Жасанды интеллект және цифрлық даму министрлігі Қоғамдық кеңесінің төрағасы;
- Women in Tech Kazakhstan бас директоры Асем Болатжан;
- Astana Hub басқарушы директоры Таңат Өскембаев;
- Red Team Accelerator Chief Program Officer Николай Тян;
- Red Team Accelerator бас директоры және фаундері Евгений Фролов.
Жобалар мен инновациялар
Ұлттық іріктеуге қатысқан жобалар әртүрлі салаларды қамтыды:
- ЖИ негізіндегі бас ауруларын диагностикалау платформасы;
- Қолдың қалпына келтіруіне арналған жеңіл киілетін экзоскелет;
- Қалалық кеңістіктерді өзгерту шешімдері;
- Транспорт ағындарын оңтайландыру;
- Медициналық кескіндерді талдау үшін AI-жүйелер;
- Дауыс ассистенттері;
- Инженерлік желілерді автоматты жобалау платформалары;
- Мал денсаулығын бақылау жүйелері.
Барлық жобалар жоғары технологиялық деңгейге ие және кеңінен дамытуға лайық әлеуетке ие.
Ұлттық финал қорытындысы
Питч-сессиялардың қорытындысы бойынша ең инновациялық және әлеуметтік маңызы бар жобалар марапатталды. Ұлттық кезеңнің жеңімпазы – COLO.AI жобасының фаундері Артур Жақсығалиев.
Red Bull Basement – жай ғана стартап инкубаторы емес, әлемдік деңгейде ықпалы бар AI шешімдерін жасауға ұмтылатын жас командалар үшін толыққанды бастапқы платформа болып табылады.
Айта кетерлігі, Digital Qazaqstan 2026 форумы серіктестер мен демеушілердің қолдауы арқылы ұйымдастырылды, барлық шығын демеушілер есебінен жабылды.
