Қазақстанда алғаш рет жетім және ата-анасының қамқорлығысыз қалған балалармен жұмыс істейтін педагогтерге арналған жүйелі оқыту бағдарламасы іске қосылады, деп хабарлайды DKNews.kz.
Бағдарламаның ерекшеліктері
- «Өркен» ұлттық ғылыми-практикалық институтының 51 маманы халықаралық сертификат алып, тренер ретінде өңірлердегі әріптестерін оқытуды бастайды.
- Пилоттық жоба сәуір айында Астана мен Алматы қалаларында басталып, жыл соңына дейін республиканың барлық өңірін қамтиды.
- Оқу курстары педагогтер үшін тегін жүргізіледі.
Жоба ұйымдастырушылары
- ҚР Оқу-ағарту министрлігі
- «SOS Қазақстан балалар ауылдары» қоры
Бағдарлама халықаралық сарапшылардың қатысуымен әзірленіп, заманауи әдістемелерге негізделген. Бұл педагогтердің кәсіби дағдыларын жан-жақты жетілдіруге мүмкіндік береді.
Оқу бағдарламасының көлемі және мақсаты
- Арнайы әзірленген оқу бағдарламасы – 80 сағат
- Бағдарлама барлық қажетті сараптамалық қорытындылардан өтті
- Мақсаты:
- Балалар үйлеріндегі тәрбие мен білім сапасын арттыру
- Балалардың әл-ауқатын қамтамасыз етудің халықаралық стандарттарын енгізу
Қазіргі жағдай
Бүгінгі таңда еліміздегі жетім балаларға арналған 73 мекемеде шамамен 2 мың педагог еңбек етеді. Жаңа курстар осы мамандардың әлеуетін арттыруға бағытталған.
