Энергетика министрлігі қолданыстағы энергия көздерін жаңғырту мен техникалық қайта жарақтандыруға басымдық беріп отыр, деп хабарлайды DKNews.kz.
Жобаның негізгі мақсаты – электр станцияларының қуатын арттыру, олардың тиімділігін жоғарылату және қауіпсіз пайдалану мерзімін ұзарту.
Жаңғыртылатын және кеңейтілетін электр станциялары
Барлығы 11 электр станциясында жаңғырту және кеңейту жобалары іске асырылады:
- Ақсу ГРЭС-інің №7 энергоблогын жаңғырту (325 МВт)
- Екібастұз ГРЭС-2-де №3 және №4 энергоблоктарды салу (1 100 МВт)
- Қарағанды ЖЭО-сын кеңейту (140 МВт)
- Өскемен ЖЭО-сын кеңейту (100 МВт)
- Топар ГРЭС-ін жаңғырту (250 МВт)
- Шахтинск ЖЭО-сын кеңейту (130 МВт)
- Балқаш ЖЭО және Жезқазған ЖЭО-да турбоагрегат енгізу (50 МВт)
- Согра ЖЭО-сын кеңейту (50 МВт)
- «Qarmet» АҚ-ның ЖЭО-2-сін кеңейту (230 МВт)
- Степногорск ЖЭО-сын жаңғырту (30 МВт)
Жобаның әсері
Аталған жобаларды іске асыру нәтижесінде:
- қосымша 2,5 ГВт генерация қуаты енгізіледі
- электр станцияларының тиімділігі артады
- нысандардың қауіпсіз пайдалану мерзімі ұзартылады
Энергетика министрлігі бұл жобаларды іске асыру арқылы елдің электр энергиясы саласындағы тұрақтылықты қамтамасыз етуге, сондай-ақ экологиялық қауіпсіздікті арттыруға мүмкіндік алатынын атап өтті.
