Темірбек Жүргенов атындағы Қазақ ұлттық өнер академиясында Ресей Федерациясының «Жоғары экономика мектебі» ұлттық зерттеу университетімен және «Яндекс Қазақстан» компаниясымен үшжақты ынтымақтастық туралы меморандумға қол қойылды, деп хабарлайды DKNews.kz.
Студенттерге жаңа мүмкіндіктер
Меморандум аясында академия студенттері үшін:
- Жоғары экономика мектебі жанындағы Кино институтының 15 онлайн бағдарламасы бойынша тегін білім алу мүмкіндігі
- Кино саласында сұраныс бар бағыттар бойынша арнайы курстардан өту мүмкіндігі
қамтамасыз етілді.
Ынтымақтастықтың негізгі мақсаты
Әріптестіктің басты міндеттері:
- Болашақ мамандардың кәсіби біліктілігін арттыру
- Цифрлық технологиялар мен креативті индустрия саласындағы заманауи білімге қолжетімділікті кеңейту
- Жаңа білім беру бағдарламаларын енгізу
- Жас мамандарды кино және шығармашылық саласына тарту
Бұл ынтымақтастық Қазақстандағы кино және креативті индустрия саласын дамытуға, сондай-ақ студенттердің халықаралық деңгейде білім алуына жағдай жасайды.
