Төтенше жағдайлар министрі генерал-лейтенант Шыңғыс Әрінов Ақкөлге жұмыс сапары барысында ТЖМ әскери қалашығында болып, тұрғын үй қоры мен инфрақұрылым нысандарын жаңарту жұмыстарының барысымен танысты, деп хабарлайды DKNews.kz.
Жаңғырту жұмыстары министрдің наурыз айында әскери бөлімге жасаған сапарынан кейін берген тапсырмасына сәйкес жүргізіліп жатыр.
Әскери қалашық кезең-кезеңімен жаңартылуда
Қазіргі уақытта әскери қызметшілер мен олардың отбасылары үшін тұрмыс жағдайын жақсарту бағытында кешенді жұмыстар атқарылуда.
Атап айтқанда:
- пәтерлерге реновация жүргізілуде;
- аула аумақтары абаттандырылып жатыр;
- қоғамдық кеңістіктер жаңартылуда;
- тұрғындарға арналған жаңа демалыс орындары салынған.
Министрдің шешімімен әскери қалашықтағы тұрғын үйлерге жас дәрігерлер мен полиция қызметкерлерінің отбасылары да қоныстанатын болады.
Ведомство мәліметінше, бұл қадам халыққа қызмет көрсетіп жүрген мамандарды қолдауға және қалашықты отбасылық өмірге бейімделген жайлы ортаға айналдыруға бағытталған.
Балалар алаңы мен ашық аспан астындағы кинотеатр ашылды
Әскери қалашық аумағында тұрғындардың демалысына арналған бірнеше жаңа нысан пайда болған.
Олардың қатарында:
- ашық аспан астындағы балалар кинотеатры;
- спорт алаңы;
- заманауи жабдықтармен қамтылған ойын аймағы;
- шағын сәулет нысандары;
- муралдар бар.
Жаңартылған кеңістіктер тұрғындардың күнделікті өміріне қолайлы жағдай жасауға арналған.
«Үлгілі тұрғын орынға айналуы тиіс»
Сапар барысында министр әскери қалашықты жаңарту және абаттандыру жұмыстары алдағы уақытта да жалғасатынын айтты.
«Қалашық қызмет етуге, өмір сүруге және балаларды тәрбиелеуге қажетті барлық жағдай жасалған үлгілі тұрғын орынға айналуы тиіс», – деді Шыңғыс Әрінов.
