Жаңа Конституция азаматтарға бұрынғыдан да қолжетімді болды.
Қазақстан Республикасының жаңа Конституциясының толық мәтіні енді мемлекеттік және орыс тілдерінде аудио және бейне форматтарда қолжетімді, деп хабарлайды DKNews.kz.
Жобаны Конституциялық Сот Конституцияның күшіне енуіне байланысты әзірледі.
Конституцияны енді тыңдауға және көруге болады
Конституциялық Сот жаңа Конституцияның толық аудио нұсқасын қазақ және орыс тілдерінде дайындады.
Сонымен қатар Конституциялық Соттың ресми әлеуметтік желідегі парақшаларында Конституцияның толық бейне нұсқасы жарияланды.
Бұл азаматтарға өзіне қолайлы форматта Негізгі заңмен танысуға мүмкіндік береді.
Жоба кімдерге арналған
Бастаманың басты мақсаты – барлық азаматтың Конституцияға тең қолжетімділігін қамтамасыз ету.
Аудио формат әсіресе:
- көру қабілеті бұзылған адамдарға;
- ақпаратты тыңдау арқылы қабылдауды жөн көретін азаматтарға;
- жол үстінде немесе күнделікті тіршілік барысында Конституциямен танысқысы келетіндерге қолайлы.
Бейне формат та Негізгі заңды кең аудитория үшін қолжетімді әрі ыңғайлы етеді.
Бұл неге маңызды
Конституцияның түрлі форматта ұсынылуы әр азаматтың өз құқықтары мен міндеттерін, сондай-ақ мемлекеттің негізгі қағидаттарын оңай меңгеруіне мүмкіндік береді.
Заманауи цифрлық форматтарды пайдалану құқықтық сауаттылықты арттырып, Негізгі заңды қоғамның барлық тобы үшін қолжетімді етеді.
Қазақстан Республикасы Конституциясының толық аудионұсқасы төмендегі сілтеме бойынша қолжетімді.
